ទោះបីជាភាពវឹកវរខាងនយោបាយ កំពុងតែបោកបក់យ៉ាងខ្លាំងក្នុងរដ្ឋធានីវ៉ាស៊ីនតោនក៏ដោយ ក៏លោកប្រធានាធិបតីអាមេរិក ដូណាល់ ត្រាំ នៅតែមានការគាំទ្រខ្លាំងពីប្រជាពលរដ្ឋនៅតាមមូលដ្ឋាន ជាពិសេសពលរដ្ឋអាមេរិកាំងស្បែកសនៅតាមទីជនបទ។ ពលរដ្ឋទាំងនេះ ត្រូវបានលោក ត្រាំ ហៅថាជា «បុរសនិងស្ត្រីដែលត្រូវគេបំភ្លេចចោល» ដែលលោក ត្រាំ បានសន្យាថានឹងធ្វើអ្វីៗយ៉ាងច្រើនសម្រាប់ពួកគេ ដោយសារពលរដ្ឋទាំងនេះយល់ថា រដ្ឋាភិបាលមុនៗរបស់ពួកគេ ផ្ដោតការយកចិត្តទុកដាក់ជ្រុលពេកទៅលើតែពលរដ្ឋដែលរស់នៅតាមទីក្រុងនិងក្រុមឥស្សរជនដែលរស់នៅតាមតំបន់ឆ្នេរ។ កាលពីពេលថ្មីៗនេះ ក្រុមអ្នកយកព័ត៌មាន VOA បានធ្វើដំណើរទៅកាន់ស្រុកនៅតាមជនបទមួយចំនួនតាមបណ្ដោយដងទន្លេមីស៊ីស៊ីពីខ្សែទឹកខាងលើ ដែលបានផ្លាស់ប្ដូរការគាំទ្ររបស់ពួកគេពីលោក បារ៉ាក់ អូបាម៉ា ខាងគណបក្សប្រជាធិបតេយ្យទៅគាំទ្រលោក ដូណាល់ ត្រាំ ខាងគណបក្សសាធារណរដ្ឋវិញ កាលពីឆ្នាំ២០១៦។ ក្រុមអ្នកយកព័ត៌មាន VOA បានជួបសម្ភាសប្រជាកសិករ កម្មកររោងចក្រ ជាងឈើ និងពលរដ្ឋដែលបានចូលនិវត្តន៍ជាច្រើននាក់ នៅក្នុងសហគមន៍ដែលសម្បូរទៅដោយពលរដ្ឋស្បែកស វណ្ណៈកណ្ដាល ដែលកាន់សាសនាគ្រិស្ត រួមទាំងអ្នកដែលសង្ឃឹមចង់បានការផ្លាស់ប្ដូរ និងទាំងអ្នកដែលធុញទ្រាន់នឹងការផ្លាស់ប្ដូរនេះ។ ខាងក្រោមនេះ គឺជាបទយកការណ៍របស់ក្រុមអ្នកយកព័ត៌មានរបស់យើង។
សម្តីដើម
ការផ្លាស់ប្តូរដែលពួកគេចង់បាន
ក្រុង Galesville រដ្ឋ Wisconsin
ការចងចាំពីគ្រាមុនដែលប្រសើរជាងពេលបច្ចុប្បន្ន
នៅតំបន់ជនបទក្នុងរដ្ឋ Wisconsin ស្វាមីនិងភរិយាដែលចូលនិវត្តន៍ បានរំឭកពីអតីតកាលដោយក្តីស្រណោះស្រណោក ហើយក៏សម្លឹងមើលការធ្វើកំណែទម្រង់។ អានបន្ថែម
ស្រុក Trempealeau រដ្ឋ Wisconsin
រដ្ឋាភិបាលធំជំរុញឲ្យមានការសង្ស័យកាន់តែធំ
ទោះបីជាទទួលបានផលចំណេញក្តី ក៏អតីតកសិករម្នាក់នេះមិនចង់ពាក់ព័ន្ធនឹងបញ្ហារបស់រដ្ឋាភិបាលសហព័ន្ធនៅរដ្ឋធានីវ៉ាស៊ីនតោននោះទេ។ អានបន្ថែម
ក្រុង Donnellson រដ្ឋ Iowa
ការងាររោងចក្រឬការងារនៅកសិដ្ឋាន
យុវជននៅតាមតំបន់ជនបទក្នុងសហរដ្ឋអាមេរិកទទួលបានឱកាសតិចតួច។ អានបន្ថែម
ស្រុក Muscatine រដ្ឋ Iowa
កសិកររដ្ឋ Iowa ពឹងផ្អែកលើទីផ្សារអន្តរជាតិ
រដ្ឋាភិបាលក្រុងវ៉ាស៊ីនតោនបានបង្កើតបទបញ្ជាមួយចំនួន ប៉ុន្តែអតិថិជនរបស់កសិករអាមេរិកាំងភាគច្រើនគឺនៅប្រទេសចិន។ អានបន្ថែម