ខ្ញុំធ្វើកសិកម្មតាំងពីអាយុ១២ឆ្នាំ។ កសិដ្ឋាននេះជាលក្ខណៈគ្រួសារ។ យើងនៅទីនេះអស់៣ជំនាន់ហើយ។ យើងដាំពោតនិងសណ្តែកសៀង។
ប្រទេសចិនជាទីផ្សារធំមួយសម្រាប់សណ្តែកសៀងអាមេរិក។ លោក ត្រាំ ចាប់ផ្តើមយកពន្ធលើរបស់នាំចូលផ្សេងៗ ហើយប្រទេសផ្សេងនឹងធ្វើដូចគ្នាដើម្បីសងសឹកវិញ។ គេនឹងធ្វើដូចយើងដែរ។
ខ្ញុំគិតថា យើងត្រូវគ្រប់គ្រងអន្តោប្រវេសន៍ ប៉ុន្តែខ្ញុំគិតថាការកសាងជញ្ជាំងខណ្ឌបែបនេះ វាដូចជាមិនទំនងសោះ។ ប្រទេសម៉ិចសិកទិញទំនិញជាច្រើនពីអាមេរិក ជាពិសេសគ្រាប់ធញ្ញជាតិនិងពោត។ ហើយរដ្ឋបាលលោកនឹងធ្វើឲ្យម៉ិចសិកខឹងសម្បារ រួចនឹងទៅទិញពីកន្លែងផ្សេងវិញ។
យើងត្រូវតែដឹងខ្លួនថាអាមេរិកមិនមែនជាអ្នកលក់ដូរតែម្នាក់ទេក្នុងលោកនេះ។ គេអាចទៅទិញពីប្រទេសផ្សេងទៀត។
ខ្ញុំពិតជាបារម្ភ។ បើលោកប្រធានាធិបតី ត្រាំ ឈប់រវីរវល់សរសេរនៅក្នុងបណ្តាញ Twitter ហើយចាប់ផ្តើមមករវីរវល់នៅទីនេះវិញ យើងប្រហែលមានដំណោះស្រាយ។ តែបើលោកនៅតែនិយាយវាយប្រហារដាក់ប្រទេសទាំងនេះ ខ្ញុំមិនដឹងថានឹងមានអ្វីនឹងកើតឡើងទេ៕