សេចក្តីរាយការណ៍ពិសេសរបស់ VOA

ទីប្រជុំជននៅតាមជនបទបាត់បង់ភាពរស់រវើក

Deepak Dobhal | VOANews

ប្រវត្តិសាស្ត្រសហរដ្ឋអាមេរិក គឺជាប្រវត្តិសាស្ត្របែបនគរូបនីយកម្មមួយ ដោយកាលពីដំបូង សហរដ្ឋអាមេរិកមានប្រជាពលរដ្ឋមួយភាគរយរស់នៅក្នុងទីក្រុង។ សហរដ្ឋអាមេរិកមានប្រជាពលរដ្ឋចំនួនពាក់កណ្តាលនៃប្រជាពលរដ្ឋសរុបនៅក្នុងទីក្រុង។ សព្វថ្ងៃនេះ ប្រជាពលរដ្ឋអាមេរិកចំនួន៨០ភាគរយរស់នៅទីក្រុង។ ទោះជាយ៉ាងណាក្តី ទស្សនវិស័យដ៏ចម្បងនៃជីវភាពរបស់ប្រជាពលរដ្ឋនៅតាមទីក្រុងតូចៗ និងតំបន់ជនបទនៅតែដក់ជាប់ក្នុងក្តីស្រមៃរបស់សាធារណជនទូទៅ ជាជាងស្ថានភាពជាក់ស្តែង។

ខ្លឹមសារជាលាយលក្ខណ៍អក្សរ:

ខ្ញុំបានរស់នៅក្រុងនេះតាំងពីអាយុ៩ឆ្នាំ។ កាលពីទសវត្ស៦០និង៧០ ទីនេះមានហាងខោអាវ មានហាងស្បែកជើង មានហាងគ្រឿងដែក Coast to Coast ហាងកាត់សក់ និងភោជនីយដ្ឋាន។ អ្នកមានអារម្មណ៍ថា មានភាពអ៊ូអរដូចកណ្តាលក្រុង Chicago អីចឹង។

ខ្ញុំធ្លាប់មកហាងនេះកាលពីនៅក្មេង។ ឪពុកម្តាយខ្ញុំធ្លាប់នាំខ្ញុំមកកាត់សក់នៅទីនេះ។ ហើយពេលដើរចូលទៅ គឺឃើញមានមនុស្ស១០ទៅ១៣នាក់អង្គុយលើកៅអីរង់ចាំកាត់សក់ ហើយសុទ្ធតែជជែកគ្នាអំពីរឿងរកស៊ីប្រចាំថ្ងៃ។

សព្វថ្ងៃ ហាងបានបិទ ហើយអស់មនុស្ស។ ខ្ញុំមានអារម្មណ៍សោកសៅណាស់ ដែលហាងបិទអស់ ហើយអគារមិនមានមនុស្ស។ ទីនេះឥឡូវដូចជាក្រុងខ្មោចអីចឹង។

ការស្តារទីប្រជុំជននៅជនបទឡើងវិញមិនងាយស្រួលទេ ប៉ុន្តែយើងមានសុទិដ្ឋិនិយម។

ខ្ញុំនៅតែចូលចិត្តរស់នៅទីប្រជុំជនតូចនេះ។ ខ្ញុំនឹងនៅទីនេះដល់ថ្ងៃស្លាប់៕

—លោក Roger Brashaw, កម្មកររោងចក្រចូលនិវត្តន៍

ក្រុង Mount Carroll រដ្ឋ Illinois

អំពីគម្រោង

ក្រុមអ្នកយកព័ត៌មាន VOA បានធ្វើដំណើរទៅកាន់តំបន់ជនបទមួយចំនួនតាមបណ្ដោយដងទន្លេមីស៊ីស៊ីពី (Mississippi) ខ្សែទឹកខាងលើ ស្ថិតនៅក្នុងរដ្ឋ Minnesota រដ្ឋ Wisconsin រដ្ឋ Illinois និងរដ្ឋ Iowa។ ក្រុមអ្នកយកព័ត៌មាន VOA បានសម្ភាសពលរដ្ឋអាមេរិកាំងនៅតាមស្រុកក្នុងជនបទមួយចំនួន ដែលបានផ្លាស់ប្ដូរការគាំទ្ររបស់ពួកគេពីបេក្ខជនខាងគណបក្សប្រជាធិបតេយ្យក្នុងអាណត្តិមុន ទៅគាំទ្រលោក ដូណាល់ ត្រាំ ខាងគណបក្សសាធារណរដ្ឋវិញ កាលពីឆ្នាំ២០១៦។ ក្រុមអ្នកយកព័ត៌មានរបស់យើងបានសម្ភាសពលរដ្ឋជាច្រើននាក់ ដែលយល់ថា ពួកគេស្ថិតក្នុងក្រុម «បុរសនិងស្ត្រីដែលត្រូវគេបំភ្លេចចោល» ដែលលោក ត្រាំ បានសន្យាថានឹងធ្វើអ្វីៗយ៉ាងច្រើនសម្រាប់ពួកគេ។

លោក Deepak Dobhal ចែករំលែកការយល់ឃើញលើសេចក្តីរាយការណ៍របស់លោកអំពីតំបន់ជនបទនៃសហរដ្ឋអាមេរិក។

ឈ្មោះនិងតួនាទីអ្នកផលិត

អ្នកបកប្រែ៖ អ្នកស្រី ស៊ូ ពេជ្រចិន្តា អ្នកនាង ទែន សុខស្រីនិត អ្នកនាង ហុង ចិន្តា លោក ណឹម សុភ័ក្រ្តបញ្ញា លោក សាយ មុន្នី លោក ភី សុភាដា លោក សឹង សុផាត លោក សឿន វឌ្ឍនា លោក ប៉ូច រាសី និងលោក ជឹង ប៉ូជីន

អ្នករាយការណ៍ព័ត៌មាន៖ លោក Deepak Dobhal លោក Greg Flakus និងអ្នកស្រី Heather Mrudock

អ្នកថតនិងផលិតវីដេអូ៖ លោក Deepak Dobhal

អ្នកផលិតគេហទំព័រ៖ លោក Brian Williamson

អ្នកផលិតវីដេអូបន្ថែម៖ អ្នកស្រី Kimberlyn Weeks និងលោក Bezhan Hamdard

អ្នកកាត់តរូបភាព៖ អ្នកស្រី Elizabeth Arrott និងលោក David Jones

អ្នកគ្រប់គ្រងបណ្តាញសង្គម៖ អ្នកនាង Stephanie Tu និងសហការី VOA

អ្នកស្រាវជ្រាវ៖ អ្នកស្រី Lynn Davis

សេចក្តី​រាយការណ៍​ពិសេស​របស់ VOA

ទី​ប្រជុំជន​នៅតាម​ជនបទ​បាត់បង់​ភាព​រស់រវើក

ខ្លឹមសារ​ជា​លាយលក្ខណ៍​អក្សរ:

—លោក Roger Brashaw, កម្មករ​រោងចក្រ​ចូល​និវត្តន៍