X
គន្លឹះផែនទី
ចិន
ហ្វីលីពីន
តៃវ៉ាន់
វៀតណាម
ព្រុយណេ
ម៉ាឡេស៊ី
ចិន
ហ្វីលីពីន
តៃវ៉ាន់
វៀតណាម
ព្រុយណេ
ម៉ាឡេស៊ីដែនទឹកដែលមានជម្លោះ
លោកស្រីប្រធានាធិបតីតៃវ៉ាន់ Tsai Ing-wen (កណ្តាល) ពិនិត្យមើលផែនទីនាវារបស់កងយោធាជើងទឹកតៃវ៉ាន់ មុននឹងនាវានេះចេញល្បាតនៅតំបន់សមុទ្រចិនខាងត្បូងពីមូលដ្ឋាននាវារបស់ខ្លួននៅភាគខាងត្បូង។
តៃវ៉ាន់ (សាធារណរដ្ឋចិន)
ដូចករណីចិនដែរ តៃវ៉ាន់ទាមទារអធិបតេយ្យភាពលើតំបន់ប្រជុំកោះទាំងអស់នៅក្នុងតំបន់សមុទ្រចិនខាងត្បូង ហើយថា មានយុត្តាធិការលើតំបន់ទឹកក្បែរនោះរួមមានប្រជុំកោះ Spratlys (Nansha) ប្រជុំកោះ Paracel (Xisha) ប្រជុំកោះ Pratas (Dongsha) តំបន់ឆ្នេរ Macclesfield Bank (Zhongsha) និងកោះ Taiping ដែលត្រូវបានស្គាល់ថាជាប្រជុំកោះ Itu Aba និងឈ្មោះផ្សេងៗទៀត ដែលជាកោះធំជាងគេបង្អស់នៅក្នុងតំបន់ប្រជុំកោះ Spratlys។ កោះដែលបច្ចុប្បន្នស្ថិតនៅក្រោមការគ្រប់គ្រងរបស់តៃវ៉ាន់នេះ ត្រូវបានប្រទេសចិន ហ្វីលីពីន និងវៀតណាមទាមទារថាជាកម្មសិទ្ធិរបស់ពួកគេផងដែរ។
តំបន់តៃវ៉ាន់កាន់កាប់
កោះ Itu Aba (Taiping) តាំងពីឆ្នាំ១៩៤៦
កោះ Pratas (Tungsha) តាំងពីឆ្នាំ១៩៤៧
ផលប្រយោជន៍សេដ្ឋកិច្ចចម្បង
ធនធានត្រី៖ តៃវ៉ាន់ ដែលជាប្រទេសមួយក្នុងចំណោមប្រទេសដែលនាំចេញគ្រឿងសមុទ្រធំជាងគេក្នុងពិភពលោក មានប្រភពត្រីធូណាដ៏ធំជាងគេបង្អស់ក្នុងពិភពលោក ដែលប្រមូលបានទិន្នផលគ្រឿងសមុទ្រប្រមាណ៧៥៣,០០០តោនគីប ដោយទទួលបានប្រាក់ចំណូល១,៦ពាន់លានដុល្លារកាលពីឆ្នាំ២០១៥។
ប្រេង៖ តំបន់សេដ្ឋកិច្ចសមុទ្រផ្តាច់មុខចម្ងាយ១២ម៉ែល (ប្រហែល១៩គីឡូម៉ែត្រ) ជុំវិញកោះ Itu Aba ត្រូវបានចាត់ទុកជាប្រភពប្រេង និងឧស្ម័នធម្មជាតិដ៏សំខាន់មួយ។
ហេដ្ឋារចនាសម្ព័ន្ធក្នុងតំបន់
- នៅកោះ Itu Aba មានផ្លូវចុះចតយន្តហោះតូចមួយ មជ្ឈមណ្ឌលព័ត៌មានសម្រាប់អ្នកធ្វើដំណើរ មូលដ្ឋានយោធា ប៉មដែលមានបំពាក់ប្រព័ន្ធរ៉ាដា និងអគារតូចៗមួយចំនួនផ្សេងទៀត
ថ្ងៃទី២០ ខែកក្កដា ឆ្នាំ២០១៦៖ ទូកនេសាទតៃវ៉ាន់ដែលមានទង់ជាតិបក់រវិចៗកំពុងរៀបចំចេញដំណើរទៅកោះ Taiping ដែលតៃវ៉ាន់កាន់កាប់នៅក្នុងតំបន់សមុទ្រចិនខាងត្បូង។ តំណាងរាស្ត្រ៨នាក់មកពីគណបក្សកាន់អំណច និងគណបក្សប្រឆាំងតៃវ៉ាន់ធ្វើដំណើរតាមយន្តហោះដឹកអ្នកដំណើររបស់កងទ័ពអាកាសកាលពីថ្ងៃពុធ ទៅកាន់កោះ Taiping ដែលជាតំបន់តែមួយគត់ដែលតៃវ៉ាន់កាន់កាប់នៅក្នុងចំណោមកោះនៃប្រជុំកោះ Spratly ដែលមានជម្លោះ។ (រូបថត៖ AP/Central News Agency)
កាលប្រវត្តិនៃព្រឹត្តិការណ៍
ព័ត៌មានចុងក្រោយ
- ចិនព្រមានអំពីបញ្ហាតៃវ៉ាន់និងសមុទ្រចិនខាងត្បូងនៅវេទិកាពិភាក្សា Shangri-La
- វៀតណាមតវ៉ាអំពីការពង្រាយនាវាមន្ទីរពេទ្យចិននៅសមុទ្រចិនខាងត្បូង
- ហ្វីលីពីនថ្កោលទោសចិនចំពោះ«សកម្មភាពបង្ខំដោយមិនបានបង្កហេតុ» ដើម្បីរាំងខ្ទប់បេសកកម្មផ្គត់ផ្គង់ភស្តុភារ
- ចិនព្រមានអំពី«សង្គ្រាមត្រជាក់ថ្មី»នៅក្នុងកិច្ចប្រជុំកំពូលអាស៊ាន
សេចក្តីថ្លែងអំណរគុណ
អ្នកដឹកនាំនិពន្ធ៖ Peter Cobus
អ្នកនិពន្ធ៖ Carol Guenburg និង Elizabeth Arrott
អ្នកបង្កើត និងរចនាប្លង់គេហទំព័រ៖ Brian Williamson និង Dino Beslagic
អ្នកគ្រប់គ្រងគម្រោង៖ John Featherly
បកប្រែដោយ៖ នាង ទែន សុខស្រីនិត នាង លី ម៉ូរីវ៉ាន់ លោក ប៉ូច រាសី និងលោក សុខ ខេមរា