UKuguquka Kwezombusazwe eZimbabwe
UMugabe Engakasuki Esikhundleni, Ukudlelana Kwabakuzombusazwe Phose Okweminyaka Engamatshumi Amane Okwaguqula iZimbabwe
By SALEM SOLOMON, GIBBS DUBE | November 21, 2017
Kunengi okusanda kwenzakala eZimbabwe osokuguqule ezombusazwe. Owayesebuse okwesikhathi eside uMnu. Robert Mugabe owalwa impi yenkululeko wafuna ukuba ngumongameli okwesikhathi esingapheliyo, utshiye isikhundla lesi eseleminyaka engamtshumi ayisitshiyagalolunye lantathu – 93.
NXA LIFUNA UKUBONA OKUNENGI NGALOKHU, KHANGELA EKHASINI LE VOICE OF AMERICA LE VOA ZIMBABWE.
Abaphakathi Kwengxabangxoza le
Robert Mugabe
Grace Mugabe
Emmerson Mnangagwa
Constantino Chiwenga
Morgan Tsvangirai
Chris Mutsvangwa
Abantu abalihlekana kukhanya yibo abasensikeni yokwenzakala kwezombusazwe eZimbabwe okulabantu abacatshangelwa ukuthi bayafika phose izigidi ezilitshumi lane – 14 million.
Owayengumongameli
Robert Mugabe
UMugabe, owazalelwa eKutama Mission ilizwe lisaziwa ngokuthi yiSouthern Rhodesia, wayengumtwana womuntu owaziwa ngokubaza okutshiyeneyo.
Wafunda kwele Ghana lapho acine seyilokho okuthiwa yiMarxism. Ngomyaka ka1960, wabuyela ekhaya waqalisa ukumela abantu ababefuna uzibuse. Ngomnyaka ka1963 wabambana labanye abahlamuka kubandla leZapu babumba elithiwa yiZimbabwe National African Union (Zanu). Wabotshwa wavelelwa entilongweni okweminyaka elitshumi lanye – 11 – lobanje waqhubekela phambili exoxisana labeselizweni belwisana lohulumende kaIan Douglas Smith. Wakhululwa ngomnyaka ka1974 wasesiya eMozambique lapho alolonga khona ivuyo leZanla.
Ngomnyaka ka1980 wavotelwa ukuthi abengumkhokheli welizwe ebambe isikhundla sika prime minister. Wabusa ngocuku engavumeli ukuthi abantu benze abakufunayo waze wasuka embusweni. Uhulumende wakhe wetheswa icala lokubhidliza umnotho.
Owayengumama Welizwe
Grace Mugabe
UGrace Mugabe, owayesebenza ewofisini kamongameli, wacina ethandana laye loba umkakhe uNkosikazi Sally Mugabe wayelokhe ephila.
Kwathi uNkosikazi Sally Hefron Mugabe sebhubile ababili laba batshada. Kusukele ngalesos’ikhathi waqalisa ukungena kwezombusazwe kwesinye isikhathi ethethisa owayebona engani bafuna ukumvimba ukuthi athathe isikhundla sikamongameli. UNkosikazi Mugabe loMugabe babetshiyene ngeminyaka engamatshumi amane lanye – 41.
Waziwa kakhulu ngokuthanda ukuthenga impahla edulayo okwenza ukuthi abantu bambize bathi nguGucci Grace.
Umkhokheli Webutho
Constantino Chiwenga
Umkhokheli webutho leZimbabwe Defencec Fornces, uGeneral Chiwenga walwa impi yenkululeko ekuvuyo leZanla. Waqalisa ukulolongwa kwezokulwa impi ngomnyaka ka1973.
Wangena kubutho leZimbabwe ilizwe lisanda kuthola uzibuse wacina ephiwa isikhundla sokuba ngumkhokheli webutho. Nguye owayengumgcinisihlalo weJoint Operations Command agoqela amapholisa, ibutho leZimbabwe National Army, amapholisa ensitha awe Central Intelligence Organization (CIO) labagcina izibotshwa. NgoLwezi owayengumsekeli kamongameli uMnu. Emmerson Mnangagwa aze axotshwe nguMugabe, uGeneral Chiwenga wathi ibutho lingeka lekela ilizwe libhidlika ngenza yokuxotshwa mahlayana kwamalunga ebandla leZanu PF.
UMongameli
Emmerson Mnangagwa
UMnangagwa walwa impi yenkululeko njalo sowahlala kakhulu kuhulumende lapho aphatha khona izikhundla ezimbalwa, ezigoqela ukuba ngumongameli.
Waziwa ngokuthi yingwenya ngenxa yokubekezela njalo lokusila esikhathini esinengi nxa abantu belwisana. Wayekhangelelwe ukuthi nguye ozathatha isikhundla sikaMugabe kodwa lokhu kwenza ukuthi azondwe kakhulu nguNkosikazi Grace Mugabe. Kulembiko ethi wake wafakelwa itshefu ekudleni wacina esiyakwelatshwa kwele South Africa. Mhlaka 6 ngoLwezi, uxotshwe kuhulumende nguMugabe omethese icala lokungethembeki lokudelela. Lokhu kwenza ukuthi ibutho lihluthuna intambo zombuso njalo lokuthi idale lephalamende lizame ukususa uMugabe esikhundleni ngenkani. Wathi esexotshwe umsebenzi wabalekela kwele South Africa esithi wesaba ukuthi kulabantu abafuna ukumbulala. Waphenduka ekhaya wathatha isikhundla sikamongameli.
Owayengumkhokheli Kahulumende
Morgan Tsvangirai
UMorgan Tsvangirai wayekhokhela izisebenzi njalo esekela ibandla likaMugabe. Ngomunye wabantu abaqakatheke kwezombusazwe eZimbabwe.
UTsvangirai wabumba ibandla leMovement for Democratic Change eliphikisa elibusayo ngomnyaka ka1999. Wabutshwa ngomnyaka ka2007 watshaywa kabuhlungu ngamapholisa okwenza ukuthi umhlaba wonke usole okwakusenzakala eZimbabwe. Ngomnyaka ka2009 wabumba uhulumende womanyano lebandla leZanu PF waba ngumkhokheli kahulumende. Uhulumende lo wadonsa nzima kwaze kwafika ukhetho ngomnyaka ka2013 okwenziwa khona ukhetho. Ibandla leMDC-T ladliwa kukhetho lolu likhonona lisithi aluqhutshwanga ngemfanelo.
Umkhokheli Wabalwa Impi Yenkululeko
Chris Mutsvangwa
UMutsvangwa wafunda elekolitshini atshiyeneyo agoqela eleUniversity of Zimbabwe lamanye phandle kwelizwe
Ngesikhathi sempi yenkululeko wachapha ilizwe waya kwele Mozambique ukuyalolongelwa ukuthi abekubuo leZanla. Kwathi eleZimbabwe selilozibuse, waphiwa izikhundla ezitshiyeneyo ezigoqela ukumela eleZimbabwe kwele China. UMutsvangwa, okhokhela inhlanganiso yeZimbabwe National Liberation War Veterans Association, wabambana labanye bakhe baphikisa okwakusenziwa nguNkosikazi Mugabe owayefuna ukuthatha isikhundla sikamongameli. Walwisana loMugabe okwenza ukuthi atshiye isikhundla sikamongameli. UMutsvangwa wathi uMugabe wathengisa okwakwethulwe ngabalwa impi yenkululeko.
Okuqakathekilayo Edabeni Lolu
Ilizwe leZimbabwe elalinconywa kakhulu likhangelelwe ukuthi linganika amanye amazwe kumzansi yezwekazi leAfrica ukudla okunengi okumangalisayo, selilomnotho ogugudeka kabi njalo labantu kabalamisebenzi osokwenze ukuthi izigidi lezigidi zabantu ziphume elizweni ziyephandela abantwana ukudla kwamanye amazwe. Ngesikhathi ilizwe libhidlika kulabantu ababanga ukulibusa kulabanye ababona sebesembusweni.
Robert Mugabe
Grace Mugabe
Constantino Chiwenga
Morgan Tsvangirai
Emmerson Mnangagwa
Joice Mujuru
Chris Mutsvangwa
2017
UMugabe Utshiya Umsebenzi
Ibandla leZanu PF ibika ukuthi uMnangagwa uzabangumkhokheli webandla leli
Ebhekane lokususwa esikhundleni lidale lephalamende lomhlaba wonke jikelele, uMugabe utshiya isikhundla
ABANTU BAFUNA UMUGABE APHUME ESIKHUNDLENI
Ibandla leZanu PF loMutsvangwa bathi uMugabe kumele aphume esikhundleni kumbe akhitshwe ngenkani lidale lephalamende
Kumabonakuda weZBC-TV uMugabe uthi kayindawo
Ibandla leZanu PF livotela ukuthi uMugabe aphume esikhundleni kungene uMnangagwa
Abantu abanengi okumangalisayo bangena ezitaladini eHarare. Bathi uMugabe kumele atshiye umsebenzi
IBUTHO LIHLUTHUNA INTAMBO ZOMBUSO
uMutsvangwa uthi ibutho lenze kahle
Ibutho elikhokhelwa nguGeneral Chiwenga lihluthuna intambo zikahulumende lithi uMugabe kasavunyelwa ukususa endlini yakhe
UNKOSIKAZI GRACE MUGABE WENZA OKUNGAZAKE KUBONAKALE
UChiwenga wethusela esithi uzahluthuna intambo zikahulumende ngoba uMugabe kenzi kahle
UMnangagwa ubaleka elizweni
UMugabe uxotsha uMnangagwa, ongumsekeli wakhe, kulandela ukuthethiswa kwakhe nguNkosikazi Mugabe
UMnangagwa uthi ufakelwe itshefu, abamsekelayo bathi kwenziwa ngabalandeli baka Nkosikazi Mugabe
2016
SOKULAMAQEMBU AMBALWA KUBANDLA LE ZANU PF
Amacele kubandla leZanu PF asekela uNkosikazi Mugabe loMnangagwa alwisana okumangalisayo
UMUTSVANGWA ‘UCUTSHWA ISIBA’
UMugabe uxotsha uMutsvangwa kudale labaphathintambo bakahulumende
UMutsvangwa uvinjwa ukuba engabililunga lebandla leZanu PF okweminyaka emithathu esetheswa icala lokuthi wenza santando njalo kalandeli okwethulwa yinkokheli yebandla leli
2014
UNKOSIKAZI MUGABE UTHOLA AMANDLA EZOMBUSAZWE
UNkosikazi Mugabe ubangomunye wamalunga edale leZanu PF Women’s League lele Zanu PF Politburo
UMnangagwa ubangumsekeli kamongameli
UMugabe uxotsha uJoice Mujuru
UNkosikazi Mugabe uthi umsekeli kamongameli uNkosikazi Joice Mujuru uzama ukususa uMugabe esikhundleni
2013
UMUGABE USEYIBAMBE ESIDUKWINI
UMugabe oselamandla akhuphukileyo unqoba uTsvangirai kukhetho lokudinga umongameli
2009
SOKUBUNJWA UHULUMENDE WOMANYANO
UMnangagwa uphiwa isikhundla somphathintambo wezomvikela
UTsvangirai ubangumkhokheli kahulumende
uMugabe uqhubekela phambili esesikhundleni sikamongameli
2008
UMUGABE UKHA PHANSI
UMnangagwa ukhulumisana labanye ukuthi uMugabe ahlale esikhundleni
UChiwenga ungenela ukwenzela ukuthi uMugabe abesesikhundleni, uTsvangirai uphume kukhetho lukamongameli
Kukhetho oluqakathekileyo, uMugabe loTsvangirai bancintisana kukhetho oluphindwayo kulandela ukwehluleka kukaTsvangirai ukuthi anqobe uMugabe ngemfanelo.
2007
IBUTHO LIZAMA UKUHLUTHUNA INTAMBO ZOMBUSO
Uhulumende uthi ibutho lizama ukuhluthuna intambo zombuso inikeze uMnangagwa othi kazilutho.
2005
KUBHIDLIKA UMNOTHO WELIZWE
UMnangagwa udliwa kukhetho kodwa uMugabe umnika isikhundla kuhulumende
Ilizwe leZimbabwe liwa isithunzi njalo lelizwe leMelika lithi iZimbabwe iqhuba ubudlova. Inhlanganiso yeUnited Nations ikhala ngokuthi kulabantu abedlula inkulungwane ezingamakhulu ayisikhombisa – 700,000 abadilizelwe izindlu
2004
UTSVANGIRAI UZAMA UKUNCINTISANA LOMUGABE
Zimbabwe’s high course acquits Tsvangirai.
2003
UTSVANGIRAI USENKINGENI
UChiwenga ubangumkhokheli webutho
Uhulumende wethesa uTsvangirai icala lokuthi ufuna ukususa uhulumende embusweni okungekho emthethweni. Uhulumende uthi uTsvangirai ufuna ukubulala uMugabe.
2002
UMUGABE UNQOBA KUKHETHO
UMugabe unqoba uTsvangirai kukhetho
2002
UMUTSVANGWA UNGENA ESIKHUNDLENI ESIPHEZULU
UMutsvangwa uphiwa isikhundla sokuba ngummeli weZimbabwe eChina
2001
BAPHINDISELA NGOKUHLUTHUNWA KWAMAPULAZI
Inhlanganiso ezitshiyeneyo ziphindisela ngokunganiki eleZimbabwe imali kulandela ukuhluthunwa kwamapulazi. Lokhu kwenza kubelokwesaba ukuthi kuzabalendlela
2000
INKOKHELI IBAMBA UMBUSO NGOKUGCWELEYO NGENDLELA EZIPHANSI NJALO YENZA INHLELO EZINGAQEDAKALIYO
Uhulumende ubopha uTsvangirai owethusele uMugabe kodwa amacala akhe alahlwa emthethwandaba
UMutvangwa ubangunobhala webandla leZanu PF eHarare
UMnangagwa ubangusomlomo wedale lephalamende
UMnanagwa udliwa kukhetho kodwa uMugabe umenza abelilunga elizimele lodwa
Kuhluthunwa amapulazi abantu abamhlophe
1996
UMUGABE UTHATHA UGRACE
UMugabe loNkosazana Grace Marufu bayatshada, okwenza ukuthi uGrace abengumama welizwe
1994
UCHIWENGA UTHOLA AMANDLA
UChiwenga ubangumkhokheli webutho leZimbabwe National Army
1991
UMUTSVANGWA UNGENA KWEZAMABHIZIMUSI
UMutsvangwa ubangumqondisi weZBC
1987
UMUGABE UTHOLA AMANDLA AMANENGI
UMugabe uthola amandla aphakeme ngokuba ngumongameli welizwe
UMugabe loNkomo babumba ibandla lelilodwa
1980
ILIZWE LITHOLA UZIBUSE
UMnangagwa ubangumphathintambo wezamapholisa ensitha
UJoshua Nyongolo Nkomo ungena kudale labaphathintambo bakahulumende
UMugabe ubangumkhokheli kahulumende
UMugabe unqoba kukhetho engaphansi kwebandla leZANU