AQSh prezidentlari bilan bog'liq eng birinchi voqealar
Qaysi prezident birinchi bo'lib Oq uyga elektr energiyasini olib kirgan? Birinchi fan nomzodi bo'lgan; birinchi bo'lib inauguratsiyasini internet orqali translyatsiya qilgan prezidentlar kim? AQSh tarixi prezidentlik faoliyatida birinchi boʻlib yangilik kiritgan arboblar bilan to'la. E'tiboringizga AQSh prezidentlari va ular faoliyati bilan bog'liq birinchiliklarni havola qilamiz.
1
Jorj Vashington
30-aprel, 1789 - 4-mart, 1797
Saylovchilar kollegiyasining barcha a'zolari tomonidan saylangan birinchi va yagona prezident.
——————————
2
Jon Adams
4-mart, 1797 - 4-mart, 1801
Oq uyda yashagan birinchi prezident.
Oq uyga ko'chib o'tgan kunining ertasiga Adams rafiqasi Abigaylga shunday deb yozgan: "Men bu uyga va bundan keyin yashaydigan barchaga eng yaxshi barakalar berilishini so'rayman. Bu tom ostida halol va donolardan boshqa hech kim yashamasin!”
——————————
5
Jeyms Monro
4-mart, 1817 - 4-mart, 1825
Paroxodda sayohat qilgan birinchi prezident.
——————————
6
Jon Kuinsi Adams
4-mart, 1825 - 4-mart, 1829
Sakkiz xorijiy tilda qisman yoki erkin gapira olgan birinchi va yagona prezident.
——————————
8
Martin Van Byuren
4-mart, 1837 - 4-mart, 1841
AQSh fuqarosi sifatida tug'ilgan (Mustaqillik Deklaratsiyasi imzolangandan keyin) birinchi prezident.
"Prezidentlik lavozimiga kelsak, hayotimdagi eng baxtli ikki kun bu - ofisga kirishim va uni topshirishim bo'lgan."
——————————
9
Uilyam Genri Garrison
4-mart, 1841 - 4-aprel, 1841
O'z lavozimida vafot etgan birinchi prezident. Eng qisqa (32 kun) prezidentlik qilgan shaxs.
——————————
13
Millard Fillmor
10-iyul, 1850 - 4-mart,1853
Hech qanday shaxsiy boylik yoki mol-mulksiz Oq uyni tark etgan birinchi prezident.
——————————
16
Avraam Linkoln
4-mart, 1861 - 15-aprel, 1865
Lavozimida joniga suiqasd qilingan birinchi prezident.
——————————
18
Uliss Grant
4-mart, 1869 - 4-mart, 1877
Vest-Point harbiy akademiyasini tamomlagan birinchi prezident.
"Kelajakda tinchlikni saqlash uchun urushga tayyor bo'lish kerak."
——————————
21
Chester Artur
20-sentabr, 1881 - 4-mart, 1885
Kambag'allar, jinoyatchilar va aqldan ozganlarning mamlakatga kirishini cheklovchi umumiy federal immigratsiya qonunini qabul qilgan birinchi prezident.
——————————
22 & 24
Grover Klivlend
1-muddati: 4-mart, 1885 - 4-mart, 1889
2-muddati: 4-mart, 1893 - 4-mart, 1897
Ketma-ket bo'lmagan ikki prezidentlik muddatini o'tagan birinchi va yagona prezident.
——————————
23
Benjamin Garrison
4-mart, 1889 - 4-mart, 1893
Oq uyga elektr tokini olib kirgan birinchi prezident.
——————————
25
Uilyam Makkinli
4-mart, 1897 - 14-sentabr, 1901
Telefon orqali saylov kampaniyasini boshlagan birinchi prezident.
——————————
26
Teodor Ruzvelt
14-sentabr, 1901 - 4-mart, 1909
Tinchlik uchun Nobel mukofotiga sazovor bo'lgan (Rus-Yapon urushini tugatishga yordam bergani uchun) birinchi prezident.
——————————
28
Vudro Vilson
4-mart, 1913 - 4-mart, 1921
Fan doktori darajasini olgan (Siyosatshunoslik bo'yicha) birinchi va yagona prezident.
——————————
29
Uorren Garding
4-mart, 1921 - 2-avgust, 1923
Fuqarolar urushidan keyin tug'ilgan birinchi prezident va ayollar ovoz berish huquqiga ega bo'lganidan keyin saylangan birinchi prezident.
——————————
31
Gerbert Guver
4-mart, 1929 - 4-mart, 1933
Missisipi daryosining g'arbiy qismida tug'ilgan birinchi prezident.
——————————
32
Franklin Ruzvelt
4-mart, 1933 - 12-aprel, 1945
To'rt marta saylangan va "Gulxan yonodagi suhbatlar" deb nomlangan muntazam radio eshittirishlar orqali jamoatchilikka murojaat qilgan birinchi prezident.
“Kelajak avlodlar bu yerda, 20-asrning oʻrtalarida yaxshi niyatli odamlar birlashib, jaholat va murosasizlik, qullik va urush kuchlarini yoʻq qilish yo'lini topganini biladi, deb ishonamiz”.
——————————
33
Garri Trumen
12-aprel, 1945 - 20-yanvar, 1953
Xorijiy davlatga qarshi yadro qurolini ishlatishga ruxsat bergan birinchi va yagona prezident.
——————————
34
Duayt Eyzenxauer
20-yanvar, 1953 - 20-yanvar, 1961
Har ikki jahon urushida qatnashgan birinchi va yagona prezident.
——————————
35
Jon Kennedi
20-yanvar, 1961 - 20-yanvar, 1963
Birinchi katolik prezidenti va Ikkinchi jahon urushi davrida orttirgan jarohatlari uchun "Binafsha yurak" mukofotini olgan birinchi va yagona prezident.
Qanday qilib qahramon bo'lganini so'rashganida, Kennedi shunday javob bergan: "Bu ixtiyorim bilan bo'lmagan. Ular qayig‘imni cho‘ktirishgan edi”.
——————————
36
Lindon Jonson
22-noyabr, 1963 - 20-yanvar, 1969
1963-yilda Jon Kennedi o‘ldirilishi ortidan havo kuchlari samolyoti bortida qasamyod qilgan birinchi va yagona prezident.
“Bu barcha odamlar uchun qayg'uli vaqt. Taroziga solib bo'lmaydigan yo'qotishlarga duch keldik. Men uchun bu chuqur shaxsiy fojia. Bilaman, butun dunyo Kennedi xonim va uning oilasi boshdan kechirayotgan qayg‘uga sherik. Men qo'limdan kelganini qilaman. Men qila oladigan narsa shu. Men sizdan va Xudodan yordam so'rayman."
——————————
37
Richard Nikson
20-yanvar, 1969 - 9-avgust, 1974
Prezidentlikdan iste'fo bergan (Uotergeyt mojarosi tufayli) birinchi va yagona prezident.
——————————
39
Jimmi Karter
20-yanvar, 1977 - 20-yanvar, 1981
Oq uyni tark etganidan keyin 100 yoshga kirgan birinchi prezident.
——————————
40
Ronald Reygan
20-yanvar, 1981 - 20-yanvar, 1989
Ajrashgan birinchi prezident va Oliy sudga ayol nomzodini ko'rsatgan birinchi prezident.
——————————
41
katta Jorj Bush
20-yanvar, 1989 - 20-yanvar, 1993
BMTda elchi bo'lib ishlagan birinchi va yagona prezident.
——————————
42
Bill Klinton
20-yanvar, 1993 - 20-yanvar, 2001
Inauguratsiyasi internet orqali translyatsiya qilingan birinchi prezident.
"Birgalikda biz Internet nima bo'lishini hal qilamiz. U irqi, daromadi, geografiyasidan qat'i nazar, butun Amerika bo'ylab imkoniyatlarni kengaytirish, ta'lim, ma'rifat, iqtisodiy taraqqiyot va jamiyat qurish vositasi bo'lishini ta'minlashga qodirmiz".
——————————
43
kichik Jorj Bush
20-yanvar, 2001 - 20-yanvar, 2009
Biznes boshqaruvi darajasiga ega birinchi prezident.
——————————
44
Barak Obama
20-yanvar, 2009 - 20-yanvar, 2017
Birinchi qora tanli prezident.
——————————
45
Donald Tramp
20-yanvar, 2017 - 20-yanvar, 2021
Siyosiy yoki harbiy tajribaga ega bo'lmasdan turib g'alaba qozongan birinchi prezident va jinoyatlarda ayblangan birinchi prezident.
——————————
46
Jo Bayden
20-yanvar, 2021 - 20-yanvar, 2025
Saylovda 80 milliondan ortiq ovoz to'plagan birinchi prezident.
——————————
Keyingi ma'muriyatda prezidentlik bilan bog'liq qanday yangiliklar bo'ladi? Agar Kamala Xarris g‘alaba qozonsa, u birinchi ayol prezident va janubi-osiyoliklar etnik guruhiga mansub birinchi prezident bo'ladi. Agar Donald Tramp g‘alaba qozonsa, u qasamyod paytidagi eng keksa prezidentga aylanadi. U, shuningdek, Grover Klivlenddan keyin ikki muddati ketma-ket o'tkazilmagan ikkinchi prezident hisoblanadi.
