កេរដំណែលនៃអ្នកដឹកនាំ
ពិតឬមិនពិត ពេលខ្លះប្រធានាធិបតីអាមេរិកត្រូវបានគេចាត់ទុកថាជា «មេដឹកនាំពិភពលោកសេរីមួយ» ហើយក៏ជាមេដឹកនាំមួយក្នុងចំណោមមេដឹកនាំដែលមានអំណាចបំផុតនៅលើភពផែនដីយើងនេះផងដែរ។ នៅ២២៧ឆ្នាំចុងក្រោយនេះ ប្រធានាធិបតីភាគច្រើនមានស្បែកស ជាបុរសនិងកាន់សាសនាគ្រិស្តនិកាយប្រូតេស្តង់។ ប៉ុន្តែសង្គមមានការផ្លាស់ប្តូរ ហើយគណបក្សទីបីបានចាប់ផ្តើមកែប្រែគំនិតរបស់ពលរដ្ឋអាមេរិកាំងទៅលើអ្នកដែលអាចក្លាយខ្លួនធ្វើជាប្រធានាធិបតី។
1789 — Present
គណបក្សនយោបាយ
គណបក្សទីបីតតាំងនឹងប្រព័ន្ធគណបក្សពីរ ប៉ុន្តែគណបក្សធំៗឈ្នះការបោះឆ្នោត
នយោបាយអាមេរិកត្រូវបានកាន់កាប់ដោយគណបក្សធំៗពីររួមមាន គណបក្សប្រជាធិបតេយ្យនិងគណបក្សសាធារណរដ្ឋ។ ជាច្រើនឆ្នាំមកហើយ គណបក្សផ្សេងៗជាច្រើនត្រូវបានបង្កើតឡើងហើយបាត់ទៅវិញ រួមមានគណបក្ស Federalist គណបក្ស Whig គណបក្ស Anti-Masonic គណបក្ស Liberty (សេរីនិយម) គណបក្ស Free Soil គណបក្ស Prohibition គណបក្ស Greenback និងគណបក្ស Populist។ នៅក្នុងឆ្នាំ២០១៦ ទាំងគណបក្ស Green (បៃតង) (ផ្តោតទៅលើបញ្ហាបរិស្ថាននិងយុត្តិធម៌សង្គម) និងគណបក្ស Libertarian (ដែលចង់កាត់បន្ថយតួនាទីរបស់រដ្ឋាភិបាល) មានការគាំទ្រគ្រប់គ្រាន់ដើម្បីបញ្ជូនបេក្ខជនរបស់ខ្លួនទៅកាន់ការបោះឆ្នោតជាតិបាន។
13
12
7
7
3
2
1
40-44
45-49
50-54
55-59
60-64
65-69
70+
អាយុប្រធានាធិបតីអាមេរិកពេលស្បថចូលកាន់តំណែង
អាយុ
ក្មេងនិងទាក់ទាញ ឬចាស់និងគួរឲ្យគោរព៖ ការកាន់តំណែងធ្វើឲ្យឆាប់ចាស់
បុគ្គលម្នាក់អាចឈរឈ្មោះធ្វើជាប្រធានាធិបតីបាននៅអាយុ ៣៥ឆ្នាំ ប៉ុន្តែប្រធានាធិបតីវ័យក្មេងបំផុត ដែលជាញឹកញាប់អាចបង្ហាញពីភាពវ័យក្មេងនិងអនុភាពរបស់ពួកគេ បន្ថែមពីលើជោគជ័យរបស់ពួកគេនៅក្នុងឆាកនយោបាយបានគឺចាប់ផ្តើមពីវ័យ៤០ឆ្នាំឡើងទៅ។ ប្រធានាធិបតីវ័យក្មេងបំផុត លោក Teddy Roosevelt ត្រូវបានគេស្គាល់ថាបុរសដែលចូលចិត្តដើរលេងខាងក្រៅហើយក្រអឺតក្រទមមួយរូប។ លោក John F. Kennedy, Jr. ត្រូវបានគេមើលឃើញថាជាព្រះរាជបុត្រមកពីគ្រួសារអ្នកនយោបាយខ្ពង់ខ្ពស់មួយ។ លោក Barack Obama នឹងក្លាយជាអតីតប្រធានាធិបតីក្មេងជាងគេបំផុតនៅពេលដែលលោកចប់អាណត្តិរបស់លោកនៅអាយុ ៥៥ឆ្នាំ។ ប្រធានាធិបតីចាស់ៗជាងនេះដូចជាលោក Dwight Eisenhower និងលោក Ronald Reagan ចូលកាន់តំណែងនៅពេលដែលលោកចូលវ័យជាជីតាទៅហើយ។ ដឹកនាំពិភពលោកសេរីមួយអាចធ្វើឲ្យមនុស្សម្នាក់ឆាប់ចាស់។ មានប្រធានាធិបតីជាច្រើនដែលមានសក់ពណ៌ខ្មៅនៅពេលពួកគេចាប់កាន់តំណែង ហើយពួកគេមានសក់ស្កូវពេញក្បាលនៅពេលដែលពួកគេចប់អាណត្តិ។
អាយុប្រធានាធិបតីអាមេរិកពេលស្បថចូលកាន់តំណែង
98%
2%
សាសន៍ស្បែកស
សាសន៍ស្បែកខ្មៅ
ជាតិសាសន៍
ក្នុងនាមជាប្រធានាធិបតីស្បែកខ្មៅដំបូង តើលោកអូបាម៉ាបានជួយដល់ពលរដ្ឋស្បែកខ្មៅគ្រប់គ្រាន់ឬទេ?
នៅក្នុងឆ្នាំ២០០៨ ក្រោយពេលមានប្រធានាធិបតីស្បែកស អស់រយៈពេល២០០ឆ្នាំអាមេរិកទីបំផុតបានបង្កើតប្រវត្តិសាស្រ្តដោយមានប្រធានាធិបតីស្បែកខ្មៅដំបូងនៅពេលដែលលោកប្រធានាធិបតី Barack Obama មកពីខាងគណបក្សប្រជាធិបតេយ្យជាប់ឆ្នោតចូលកាន់តំណែងប្រធានាធិបតី។ ខណៈពេលដែលពលរដ្ឋស្បែកខ្មៅអាចមានសិទ្ធិបោះឆ្នោតស្របច្បាប់ចាប់តាំងពីចុងទសវត្សរ៍១៨០០ គឺបន្ទាប់ពីការអនុម័តច្បាប់បោះឆ្នោតនៅក្នុងឆ្នាំ១៩៦៥ ដែលធ្វើឲ្យអ្នកដែលប្រឆាំងនឹងសិទ្ធិបោះឆ្នោតរបស់បុគ្គលណាម្នាក់ខុសច្បាប់ ទើបពលរដ្ឋភាគតិចមានឱកាសស្មើគ្នាជាមួយនឹងពលរដ្ឋស្បែកស ក្នុងការចូលរួមនៅក្នុងដំណើរការនយោបាយ។ ពលរដ្ឋអាមេរិកាំងដើមកំណើតអាហ្វ្រិកដំបូងបានប្រឈមមុខនឹងវោហាសាស្ត្ររើសអើងពីសំណាក់សហគមន៍ពួកជ្រុលនិយម ហើយក្នុងពេលជាមួយគ្នានេះដែរ លោកប្រធានាធិបតី Obama ត្រូវបានគេរករឿងជុំវិញការចោទសួរ ថាតើលោកបានធ្វើគ្រប់គ្រាន់សម្រាប់សហគមន៍ពលរដ្ឋស្បែកខ្មៅឬយ៉ាងណា ពិសេសក្នុងអំឡុងពេលដែលការបាញ់សម្លាប់ពលរដ្ឋស្បែកខ្មៅដែលគ្មានអាវុធ ដោយប៉ូលិសនាពេលថ្មីៗនេះ បានកើនឡើងនោះ។
ភាគរយនៃប្រធានាធិបតីអាមេរិកតាមភេទ
100%
0%
បុរស
ស្ត្រី
ភេទ
លោកស្រី Clinton បរាជ័យក្នុងការបំបែករនាំងយេនឌ័រនៅឯសេតវិមាន
ស្ត្រីមានភាពសកម្មនៅក្នុងនយោបាយអាមេរិកចាប់តាំងពីពាក់កណ្តាលសតវត្សរ៍ទី១៩ ប៉ុន្តែបុរសតែងតែធ្វើជាប្រធានាធិបតី។ លោកស្រី Clinton គឺជាស្ត្រីដំបូងដែលអាចក្លាយខ្លួនជាបេក្ខជនប្រធានាធិបតីតំណាងឲ្យគណបក្សធំមួយ។ ស្ត្រីដទៃទៀតដែលត្រូវបានជុំរុញទឹកចិត្តឲ្យប្រកួតប្រជែងដណ្តើមតំណែងនេះរួមមានលោកស្រី Jill Stein បេក្ខជនតំណាងឲ្យគណបក្ស Green នៅក្នុងឆ្នាំ២០១២ និងឆ្នាំ២០១៦ លោកស្រី Carly Fiorina ដែលបានចូលរួមប្រកួតធ្វើជាបេក្ខជនតំណាងឲ្យគណបក្សសាធារណរដ្ឋនៅក្នុងឆ្នាំ២០១៦ លោកស្រី Shirley Chisholm ស្ត្រីអាមេរិកាំងដើមកំណើតអាហ្វ្រិកដំបូងដែលបានកាន់តំណែងនៅក្នុងសភា ដែលប្រកួតជាមួយនឹងបេក្ខជនប្រធានាធិបតីខាងគណបក្សប្រជាធិបតេយ្យនៅក្នុងឆ្នាំ១៩៧២ ប៉ុន្តែមិនទទួលបានជោគជ័យ និងលោកស្រី Margaret Chase Smith ដែលប្រកួតតំណែងបេក្ខជនតំណាងខាងគណបក្សសាធារណរដ្ឋនៅក្នុងឆ្នាំ១៩៦៤។ អ្នកកំប្លែងស្ត្រីលោកស្រី Gracie Allen បានធ្វើយុទ្ធនាការក្លែងក្លាយមួយនៅក្នុងឆ្នាំ១៩៤០ ឈរឈ្មោះឲ្យគណបក្ស Surprise។ ក្នុងពេលយុទ្ធនាការក្លែងក្លាយរបស់លោកស្រីរួមបញ្ចូលទាំងឆាកកំប្លែងមួយចំនួនផងដែរ ហើយអ្វីដែលកំប្លែងពិតនៅក្នុងឆ្នាំ១៩៤០នោះគឺ គំនិតក្នុងការមានបេក្ខជនជាស្ត្រីឈរឈ្មោះជាប្រធានាធិបតី។
ភាគរយនៃប្រធានាធិបតីអាមេរិកតាមសាសនា
98%
2%
និកាយប្រូស្តេស្តង់
និកាយកាតូលិក
សាសនា
ថ្វីបើមានសេរីភាពខាងសាសនា ប្រធានាធិបតីតែងប្រកាន់គ្រិស្តសាសនា
រដ្ឋធម្មនុញ្ញសហរដ្ឋអាមេរិក ហាមប្រាមការតម្រូវឲ្យមន្ត្រីសាធារណៈកាន់សាសនាជាក់លាក់ណាមួយ ប៉ុន្តែ គ្រប់ប្រធានាធិបតីអាមេរិកទាំងអស់សុទ្ធតែកាន់សាសនាគ្រិស្ត ហើយប្រតិបត្តិតាមនិកាយប្រូតេស្តង់។ មានតែប្រធានាធិបតីអាមេរិកតែម្នាក់ប៉ុណ្ណោះគឺ លោក ចន អេហ្វ ឃែនឺឌី (John F. Kennedy Jr. ) ដែលប្រតិបត្តិតាមនិកាយកាតូលិក។ មិនមានប្រធានាធិបតីអាមេរិកណាម្នាក់ កាន់សាសនា ជ្វីសឬឥស្លាម ហើយក៏គ្មានប្រធានាធិបតីរូបណា ប្រកាសជាសាធារណៈថាខ្លួនមិនមានជំនឿលើសាសនាឡើយ ទោះបីជា ប្រធានាធិបតី ថមម៉ាស ជែហ្វឺសុន (Thomas Jefferson), អាប្រាហាម លីនខុន (Abraham Lincoln) និង វីលៀម ហាវ៉ាត ថាហ្វ(William Howard Taft ) ត្រូវបានអ្នកខ្លះជឿថា មិនជឿថាមានអាទិទេពឬមិនមានជំនឿលើសាសនាក៏ដោយ។ ក្រុមគ្រួសាររបស់លោកប្រធានាធិបតី អូបាម៉ា បានដកសមាជិកភាពរបស់ពួកគេ ចេញពីព្រះវិហារក្រុង Chicagoឈី(ហ្គាហ្គោ) នៅឆ្នាំ២០០៨ បន្ទាប់ពីគ្រូគង្វាល ជេរេមៀ រ៉ៃ (Jeremiah Wright) បានធ្វើសេចក្ដីថ្លែងដ៏ចម្រូងចម្រាសអំពីរដ្ឋាភិបាលអាមេរិក ដែលធ្វើឲ្យល្បីខ្ទរខ្ទារតាមប្រព័ន្ធផ្សព្វផ្សាយនានា។ អតីតបេក្ខជនប្រធានាធិបតីគឺលោក ប៊ឺនី សែនឌរ (Bernie Sanders) ដែលបានចាញ់លោកស្រី Hillary Clinton ក្នុងការប្រកួតប្រជែងដើម្បីទទួលបានការតែងតាំងពីគណបក្សសាធារណរដ្ឋនោះ ប្រហែលជាអាចក្លាយជាប្រធានាធិបតីអាមេរិកដំបូងគេ ដែលកាន់សាសនា ជ្វីស។
រោមមុខ
ហេតុអ្វីបានជាទុកពុកចង្កាអញ្ចឹង លោក លីនខុន (Mr. Lincoln)?
តាំងពីឆ្នាំ១៨៦១ ដល់១៩០៩ ប្រធានាធិបតីភាគច្រើន មានទុករោមមុខ ដ៏មានប្រជាប្រិយភាព នៅពេលដែលសហរដ្ឋអាមេរិក បានឆ្លងកាត់ដំណាក់កាលផ្លាស់ប្ដូរធំៗមួយចំនួន ដូចជា បដិវត្តឧស្សាហកម្ម សង្គ្រាមស៊ីវិល ការបញ្ចប់ទេសភាព និងការចាប់ផ្ដើមរបស់ស្ត្រី ក្នុងការចាប់យកតួនាទី ក្រៅពីកិច្ចការងារផ្ទះសម្បែងជាដើម។ ជាការឆ្លើយតបទៅនឹងការផ្លាស់ប្ដូរនេះ បុរសៗ ចាប់ផ្ដើមផ្ដោតសំខាន់ទៅលើ «ភាពជាបុរស»។ ពុកចង្កាក្រាស់ៗ ក៏ចាប់ផ្ដើមក្លាយជារបៀបមួយក្នុងការបង្ហាញពីកម្លាំងនិងអំណាច។ ពុកចង្ការ ក៏បានដើរតួនាទីជារបាំងការពារ កុំឲ្យគេឃើញពីអារម្មណ៍របស់ខ្លួនផងដែរ។ លោក អាប្រាហាម លីនខុន (Abraham Lincoln) ដែលជាប្រធានាធិបតីដំបូងគេដែលទុកពុកមាត់ក្រាស់ឃ្មឹក ត្រូវគេនិយាយថា លោកទុកពុកចង្កានោះ ក្នុងអំឡុងពេលធ្វើយុទ្ធនាការរកសំឡេងឆ្នោតរបស់លោកនៅឆ្នាំ1860 ក្រោយពីក្មេងស្រីអាយុ១១ឆ្នាំម្នាក់ បានផ្ដល់យោបល់ដល់លោកថា ទឹកមុខដែលបង្ហាញពីការបារម្ភរបស់លោក អាចធ្វើឲ្យបាត់អ្នកបោះឆ្នោត។ ពុកចង្កា ចាប់ផ្ដើមលែងពេញនិយមនៅដើមសតវត្សទី២០ ដោយមានការកើនឡើងនូវក្រុមអ្នកធ្វើការពាក់អាវធំ ដែលបុរសៗ ចាំបាច់ត្រូវរៀបចំខ្លួនឲ្យមើលទៅរួសរាយ រាក់ទាក់។ មុខដែលកោរពុកមាត់និងពុកចង្កាស្អាតបាត ក៏បានក្លាយជារបៀបទូទៅនៅក្នុងពិភពលោកនយោបាយផងដែរ។
193 cm
190 cm
163 cm
កម្ពស់
អ្នកខ្ពស់ទទួលបានការចាប់អារម្មណ៍ ប៉ុន្តែ អ្នកទាបក៏អាចដឹកនាំបានដែរ
ជាទូទៅគេយល់ថាមនុស្សខ្ពស់ ទំនងជាអាចក្លាយជាមេដឹកនាំនិងរកទ្រព្យសម្បត្តិបានស្តុកស្តម្ភជាងមនុស្សទាប។ ជាការពិតណាស់ បុរសបីនាក់ ដែលត្រូវបានចាត់ទុកថា ស្ថិតក្នុងចំណោមប្រធានាធិបតីដ៏សំខាន់ជាងគេបង្អស់របស់សហរដ្ឋអាមេរិក គឺលោក ចច វ៉ាស៊ីនតុន (George Washington) ថមម៉ាស ជែហ្វឺសុន (Thomas Jefferson) និងអាប្រាហាម លីនខុន (Abraham Lincoln) ស្ថិតក្នុងចំណោមប្រធានាធិបតីអាមេរិកដែលខ្ពស់ជាងគេបង្អស់ក្នុងប្រទេស ដោយ លោក លីនខុន ស្ថិតនៅលើគេគឺមានកម្ពស់១,៩៣ម៉ែត្រ។ ប៉ុន្តែប្រធានាធិបតីទីពីររបស់សហរដ្ឋអាមេរិក គឺលោក ចន អាដាម (John Adams) គឺស្ទើរតែនៅបាតក្រោមគេ គឺមានកម្ពស់១.៧០ម៉ែត្រ ហើយលោកក៏ទទួលបានការគោរពយ៉ាងខ្លាំងក្នុងនាមជាបិតាជាតិម្នាក់ដែរ។