នៅពេលអគារលេខ១ 1 WTC ត្រូវបានសាងសង់រួចរាល់នៅឆ្នាំ១៩៧២ វាបានក្លាយជាអគារខ្ពស់បំផុតក្នុងពិភពលោកដោយមានកម្ពស់ ៤១៧ម៉ែត្រ គឺខ្ពស់ជាងអគារ Empire State របស់ទីក្រុង New York ទៅទៀត។ អគារនេះត្រូវបានបើកឱ្យប្រើប្រាស់ជាផ្លូវការនៅថ្ងៃទី៤ ខែមេសា ឆ្នាំ១៩៧៣។ ប៉ុន្តែអគារលេខ១ 1 WTC បានបាត់បង់ឋានៈជាអគារខ្ពស់បំផុតក្នុងពិភពលោកនៅពេលគេបានស្ថាបនាអគារ Sears Tower កម្ពស់ ៤៤៣ម៉ែត្រ ក្នុងទីក្រុង Chicago ចប់សព្វគ្រប់កាលពីឆ្នាំ១៩៧៤។
លក្ខណៈពិសេសរបស់អគារលេខ១ 1 WTC នេះរួមមានកន្លែងភោជនីយដ្ឋាននៅជាន់ទី១០៦ និង១០៧ ដែលគេហៅថា «បង្អួចមើលពិភពលោក» ឬ Windows on the World ដែលត្រូវបានបើកឱ្យប្រើប្រាស់កាលពីថ្ងៃទី១៩ ខែមេសា ឆ្នាំ១៩៧៦ និងបានក្លាយជាកន្លែងដ៏ពេញនិយមសម្រាប់អ្នកទេសចរ។
បុគ្គលិកសណ្ឋាគារ Marriot ពីរនាក់និងអ្នកពន្លត់អគ្គិភ័យយ៉ាងតិច ៤១នាក់ ត្រូវបានសម្លាប់នៅសណ្ឋាគារនេះ បើយោងតាមការវិភាគរបស់កាសែត The New York Times ដែលត្រូវបានបោះពុម្ពនៅឆ្នាំ២០០២។ កាសែត The New York Times ក៏បានដកស្រង់សម្តីអ្នកនាំពាក្យម្នាក់នៃសណ្ឋាគារ Marriott ថា មានភ្ញៀវដែលបានស្នាក់នៅសណ្ឋាគារនេះចំនួន១១នាក់បានបាត់ខ្លួន។
២០១១
ទីតាំងដើមអគារលេខ៣ 3 WTC / សណ្ឋាគារ Marriott
ទីលានបូជនីយដ្ឋានថ្មី
រូបថត៖ Michael Lipin, VOA៣០ កក្កដា ២០១១
ទីតាំងនៃអតីតសណ្ឋាគារ Marriott បានក្លាយជាផ្នែកមួយនៃទីលានបូជនីយដ្ឋានថ្ងៃ ១១ កញ្ញា ដែលត្រូវបានរចនាឡើងដោយស្ថាបត្យករអាមេរិកាំងដើមកំណើតអ៊ីស្រាអែលលោក Michael Arad និងស្ថាបត្យករទេសភាពលោក Peter Walker និងឧទ្ទិសដល់ក្រុមគ្រួសារនៃជនរងគ្រោះនៅថ្ងៃទី១១ ខែកញ្ញា ឆ្នាំ២០១១។ ទីលាននេះបានបើកទទួលសាធារណជននៅថ្ងៃបន្ទាប់។
អាជ្ញាធរ Port Authority នៃរដ្ឋ New York និងរដ្ឋ New Jersey ដែលជាម្ចាស់ដីនៅពីក្រោមសណ្ឋាគារដែលត្រូវបំផ្លាញនោះ បានត្រួសត្រាយផ្លូវឱ្យដីនោះក្លាយជាផ្នែកមួយនៃទីលានបូជនីយដ្ឋាន ដោយមានកិច្ចព្រមព្រៀងមួយនៅខែតុលា ឆ្នាំ២០០៣ ដើម្បីបញ្ចប់កិច្ចសន្យាជាមួយក្រុមហ៊ុន Marriott Corporation ដែលមានសុពលភាពរហូតដល់ឆ្នាំ២០៩៤។ កិច្ចព្រមព្រៀងនេះបានដកកាតព្វកិច្ចពីក្រុមហ៊ុន Marriott ឱ្យសង់សណ្ឋាគារនោះឡើងវិញ។
បច្ចុប្បន្ន
ទីតាំងដើមអគារលេខ៣ 3 WTC / សណ្ឋាគារ Marriott
រចនាសម្ព័ន្ធសេវាកម្មទីលានបូជនីយដ្ឋានថ្មី
រូបថត៖ Vladimir Badikov, VOA២៥ សីហា ២០២១
មានដើមឈើប្រភេទ swamp white oak ចំនួនជាង៤០០ដើមត្រូវបានដាំនៅជុំវិញបរិវេណអាងទឹកសម្រាប់ការស្មឹងស្មាធិ៍ទាំងពីររបស់ទីលានបូជនីយដ្ឋាន។
មានអគារតូចៗចំនួនពីរក៏ស្ថិតនៅចំទីតាំងនៃអតីតសណ្ឋាគារដែលត្រូវបានបំផ្លាញ។ ក្រុមហ៊ុនរបស់ស្ថាបត្យករទេសភាពអាមេរិកលោក Peter Walker ដែលជាអ្នករចនាទីលាននេះ និយាយថា អគារតូចៗទាំងពីរនេះមានតួនាទីសម្រួលខ្យល់ចេញចូលសម្រាប់សម្ភារៈនានាដែលស្ថិតនៅខាងក្រោមដីក្រោមទីលាននោះ។ ក្រុមហ៊ុនក៏បញ្ជាក់ថា អគារទាំងនេះក៏មានកន្លែងផ្តល់សេវាកម្មនិងប៉ុស្តិ៍សន្តិសុខមួយកន្លែង។
ប្រភព
New York Times
Newsweek
PWP Landscape Architecture
ទីតាំងដើមអគារលេខ៤ 4 WTC
មុនថ្ងៃ ១១ កញ្ញា
ទីតាំងដើមអគារលេខ៤ 4 WTC
រូបថត៖ Long Island and NYC Places that are no more WordPress blogកាលបរិច្ឆេទ មិនដឹងរូបថត៖ Ross Schendel & Ryan Seal២១ សីហា ២០០១
អគារលេខ៤ នៃមជ្ឈមណ្ឌលពាណិជ្ជកម្មពិភពលោក ដែលជាអគារកម្ពស់៩ជាន់ បានបើកជួលដំបូងនៅឆ្នាំ១៩៧៧។ អ្នកជួលសំខាន់ៗរួមមានធនាគារ Deutsche Bank និងក្រុមប្រឹក្សាពាណិជ្ជកម្មក្រុង New York។
នៅថ្ងៃ១១ កញ្ញា
ទីតាំងដើមអគារលេខ៤ 4 WTC
រូបថត៖ Joel Meyerowitz, Courtesy Howard Greenberg Gallery២៦ កញ្ញា ២០០១រូបថត៖ Andrea Booher, FEMA១៨ កញ្ញា ២០០១
អគារលេខ៤4 WTC ថ្មីកំពុងត្រូវសាងសង់នៅលើទីតាំងនៃអគារ 4 WTC ចាស់ នៅឆ្នាំ២០១១។ អគារនេះត្រូវបានរចនាដោយក្រុមហ៊ុនស្ថាបត្យកម្ម Maki and Associates នៃប្រទេសជប៉ុន និងជាផ្នែកមួយនៃប្លង់មេឆ្នាំ២០០៣របស់ស្ថាបត្យករអាមេរិកលោក Daniel Libeskind ក្នុងការអភិវឌ្ឍឡើងវិញនូវអគារ
ទាំងអស់នៅមជ្ឈមណ្ឌលពាណិជ្ជកម្មពិភពលោក។ ក្រុមហ៊ុនអចលនទ្រព្យ Silverstein Properties បានទទួលអាជ្ញាប័ណ្ឌកាលពីថ្ងៃទី២៦ ខែសីហា ឆ្នាំ២០១០ ដើម្បីសាងសង់អគារលេខ៤ 4 WTC ក្រោមកិច្ចសន្យាជួលមួយពីអាជ្ញាធរ Port Authority នៃរដ្ឋ New York និងរដ្ឋ New Jersey។
អគារលេខ៣ 3 WTC ថ្មី
រូបថត៖ Michael Lipin, VOA២៩ កក្កដា ២០១១
អគារលេខ៣ 3 WTC ថ្មីមួយកំពុងត្រូវបានសាងសង់ឡើងលើផ្នែកមួយនៃទីតាំងរបស់អគារដើមកាលពីឆ្នាំ២០១១។ អគារថ្មីនេះត្រូវបានស្ថាបនាដោយក្រុមហ៊ុនស្ថាបត្យកម្ម Rogers Stirk Harbour + Partners របស់ចក្រភពអង់គ្លេស និងជាផ្នែកមួយនៃប្លង់មេឆ្នាំ២០០៣របស់ស្ថាបត្យករអាមេរិកលោក Daniel Libeskind ក្នុងការអភិវឌ្ឍឡើងវិញប្រជុំអគារមជ្ឈមណ្ឌលពាណិជ្ជកម្មពិភពលោក។ ក្រុមហ៊ុនអចលនទ្រព្យ Silverstein Properties បានទទួលអាជ្ញាប័ណ្ឌកាលពីថ្ងៃទី២៦ ខែសីហា ឆ្នាំ២០១០ ដើម្បីសាងសង់អគារលេខ៤ 4 WTC ក្រោមកិច្ចសន្យាជួលមួយពីអាជ្ញាធរ Port Authority នៃរដ្ឋ New York និងរដ្ឋ New Jersey។
មួយភាគបួននៃបន្ទប់ការិយាល័យក្នុងអគារលេខ៤ 4 WTC ជាទីស្នាក់ការកណ្តាលថ្មីរបស់អាជ្ញាធរ Port Authority របស់រដ្ឋ New York និងរដ្ឋ New Jersey។ អ្នកជួលកន្លែងធ្វើការិយាល័យផ្សេងទៀតរួមមានរដ្ឋបាលក្រុង New York ក្រុមហ៊ុន Mediamath, Morningstar, SportsNet New York (SNY), Spotify, Sterling Entertainment និងក្រុមហ៊ុនធានារ៉ាប់រង Zurich American Insurance Company។
Silverstein Properties email to VOA regarding tenants of 3 & 4 WTC
WTC.com (Silverstein Properties)
ទីតាំងដើមអគារលេខ៥5 WTC
មុនថ្ងៃ ១១ កញ្ញា
ទីតាំងដើមអគារលេខ៥5 WTC
រូបថត៖ Long Island and NYC Places that are no more WordPress blogកាលបរិច្ឆេទមិនដឹង
អគារលេខ៥ 5 WTC ដែលជាអគារការិយាល័យមានកម្ពស់៩ជាន់បានបើកទ្វារទទួលអ្នកជួលដំបូងនៅឆ្នាំ១៩៧២។ អ្នកជួលសំខាន់ៗរួមមានក្រុមហ៊ុន Credit Suisse First Boston និងក្រុមហ៊ុន Morgan Stanley។
ការស្ថាបនាគ្រឹះសម្រាប់អគារលេខ២ 2 WTC ថ្មីមួយកំពុងធ្វើឡើងកាលពីឆ្នាំ២០១១ នៅផ្នែកខាងជើងនៃទីតាំងអតីតអគារចាស់។ អាជ្ញាធរ Port Authority នៃរដ្ឋ New York និងរដ្ឋ New Jersey ដែលជាម្ចាស់ដីនេះ បានយល់ព្រមចំពោះផែនការសាងសង់របស់ក្រុមហ៊ុនអចលនទ្រព្យ Silverstein Properties កាលពីថ្ងៃទី២៦ ខែសីហា ឆ្នាំ២០១០។
ស្ថានីយនេះនឹងដើរតួជាស្ថានីយសម្រាប់បណ្តាញរថភ្លើង Port Authority Trans-Hudson (PATH) ដែលភ្ជាប់សង្កាត់ Manhattan នៃក្រុង New York ជាមួយភាគឦសាននៃរដ្ឋ New Jersey។ ស្ថានីយថ្មីនេះនឹងជំនួសស្ថានីយបណ្តោះអាសន្ននៅក្បែរនោះដែលបានបើកឱ្យប្រើប្រាស់នៅថ្ងៃទី២៣ ខែវិច្ឆិកា ឆ្នាំ២០០៣ ហើយស្ថានីយថ្មីនេះនឹងស្តារឡើងវិញសេវាកម្មផ្លូវដែក PATH ដែលត្រូវបានផ្អាកនៅសង្កាត់ Manhattan ចាប់តាំងពីថ្ងៃ១១ កញ្ញា។
អាជ្ញាធរដែលគ្រប់គ្រងដំណើរការស្ថានីយ PATH គឺអាជ្ញាធរ Port Authority នៃរដ្ឋ New York និងរដ្ឋ New Jersey បានយល់ព្រមលើប្លង់រចនាដោយក្រុមហ៊ុនស្ថាបត្យកម្មអេស្ប៉ាញ Santiago Calatrava នៅខែមករា ឆ្នាំ២០០៤ ដោយគ្រោងសម្ពោធបើកនៅឆ្នាំ២០០៩។ ប៉ុន្តែការកែសម្រួលប្លង់សាងសង់នេះបានពន្យារការសាងសង់សំណង់លើដីរហូតដល់ខែកក្កដា ឆ្នាំ២០០៨។
អាជ្ញាធរ Port Authority បានប្តូរឈ្មោះអគារសេរីភាពឱ្យទៅជា One World Trade Center នៅថ្ងៃទី២៧ ខែមីនា ឆ្នាំ២០០៩។ ក្រុមហ៊ុនអចលនទ្រព្យមានមូលដ្ឋាននៅក្រុង New York ឈ្មោះ The Durst Organization បានចូលរួមជាមួយអាជ្ញាធរ Port Authority ក្នុងនាមជាសហស្ថាបនិកនៃអគារលេខ១ 1 WTC នៅថ្ងៃទី៧ ខែកក្កដា ឆ្នាំ២០១០។
ស្ថានីយរថភ្លើងបណ្តោះអាសន្នមួយសម្រាប់បណ្តាញរថភ្លើង Port Authority Trans-Hudson (PATH) ដែលភ្ជាប់សង្កាត់ Manhattan នៃក្រុង New York ជាមួយតំបន់ឦសាននៃរដ្ឋ New Jersey ត្រូវបានសាងសង់ឡើងនៅផ្នែកខាងកើតនៃទីតាំងនេះ។ ស្ថានីយនេះបានបើកទ្វារនៅថ្ងៃទី២៣ ខែវិច្ឆិកា ឆ្នាំ២០០៣ ដោយស្តារសេវារថភ្លើងនៅតំបន់ Lower Manhattan ដែលត្រូវបានផ្អាកតាំងពីថ្ងៃវាយប្រហារភេរវកម្មទី១១ ខែកញ្ញា ឆ្នាំ២០០១។
រូបថត៖ Michael Lipin, VOA២៩ កក្កដា ២០១១
ស្ថានីយបណ្តោះអាសន្ននេះ (ផ្នែកខាងស្តាំនៃរូបថត) នៅទីបំផុតនឹងត្រូវវាយកម្ទេចចោលដើម្បីសាងសង់ជំនួសវិញនូវសាលសម្តែងសិល្បៈ។ សហគ្រាស Lower Manhattan Development Corporation ដែលមានសមាសភាពរួមពីក្រុងនិងរដ្ឋ New York និងមានតួនាទីអភិវឌ្ឍតំបន់នោះឡើងវិញក្រោយថ្ងៃ ១១ កញ្ញា បានប្រកាសកាលពីខែតុលា ឆ្នាំ២០០៤ ថាខ្លួនបានជ្រើសរើសក្រុមហ៊ុនស្ថាបត្យកម្មអាមេរិក Gehry Partners និងន័រវែស Snøhetta ឱ្យរចនាប្លង់និងសាងសង់អគារនេះ។ ប៉ុន្តែនៅត្រឹមឆ្នាំ២០១១ ប្លង់រចនាចុងក្រោយនៅមិនទាន់ច្បាស់លាស់ដោយសារមានទំនាស់អំពីកម្មវិធីសិល្បៈដែលត្រូវសម្តែងនៅមជ្ឈមណ្ឌល និងក្តីបារម្ភអំពីតម្លៃថ្លៃនៃការសាងសង់ពីលើផ្លូវរថភ្លើង PATH និងកន្លែងចតរថយន្តក្រោមដីផងនោះ។
រូបថត៖ Luxigon for Perelman Performing Arts Center
អាជ្ញាធរ Port Authority គ្រោងសម្ពោធមជ្ឈមណ្ឌលសិល្បៈនេះនៅឆ្នាំ២០២៣។
រូបថត៖ Luxigon for Perelman Performing Arts Center
អគាររាងគូបកម្អស់៤២ម៉ែត្រនេះនឹងមានរោងល្ខោន សាលរបាំ សាលតន្ត្រី រោងភាពយន្ត និងរោងល្ខោន opera នៅកន្លែងសម្តែងបីដែលអាចផ្លាស់ប្តូរតាមតម្រូវការបាននិងអាចដាក់មនុស្សបានពី៩៩នាក់ដល់១.២០០នាក់។
ប្រភព
6sqft (news about New York City neighborhoods)
The Architect’s Newspaper
Architectural Record - BNP Media
CNN
Curbed (now part of New York magazine)
Daily Mail
The Durst Organization
Emporis
The HISTORY® Channel, a division of A+E Networks
Lower Manhattan Development Corporation
New York Daily News
New York Times
New York YIMBY (Yes In My Backyard)
One Word Observatory
Port Authority of New York and New Jersey
The Ronald O. Perelman Performing Arts Center (PAC)
Silverstein Properties
The Skyscraper Museum
ThoughtCo
U.S. Customs and Border Protection
Wall Street Journal
WTC.com (Silverstein Properties)
ទីតាំងដើមអគារលេខ៧ 7 WTC
មុនថ្ងៃ ១១ កញ្ញា
ទីតាំងដើមអគារលេខ៧ 7 WTC
រូបភាព៖ Fanghong Fanghong១៤ សីហា ១៩៩២
អគារលេខ៧ ឬ Seven World Trade Center (7 WTC) មានទម្រង់ជាចតុកោណព្នាយកម្ពស់៤៧ជាន់ បានបើកទ្វារនៅឆ្នាំ១៩៨៧។ អគារត្រូវបានស្ថាបនាឡើងដោយអ្នកជំនួញអចលនទ្រព្យអាមេរិកលោក Larry Silverstein នៅលើដីដែលជួលឱ្យដោយអាជ្ញាធរ Port Authority។ នៅគ្រឹះនៃអគារលេខ៧ 7 WTC មានស្ថានីយអគ្គិសនី Con Edison ដែលផ្គត់ផ្គង់អគ្គិសនីដល់តំបន់ Lower Manhattan។ ធនាគារវិនិយោគ Salomon Smith Barney ជាអ្នកជួលចម្បងនៅអគារនេះ។ អ្នកជួលផ្សេងទៀតដែលជួយអគារនេះធ្វើជាការិយាល័យរួមមានធនាគារ American Express Bank International, ក្រុមហ៊ុនធានារ៉ាប់រង ITT Hartford Insurance Group, គណៈកម្មការមូលធនប័ត្រនិងការប្តូរប្រាក់សហរដ្ឋអាមេរិក និងធនាគារ Standard Chartered Bank។
លោក Larry Silverstein ដែលបានស្ថាបនាអគារលេខ៧ 7 WTC ដើម បានជួលស្ថាបត្យករអាមេរិកលោក David Childs នៃក្រុមហ៊ុន Skidmore, Owings & Merrill ឱ្យគូសប្លង់អគារថ្មីនៅប៉ុន្មានខែក្រោយព្រឹត្តិការណ៍ ១១ កញ្ញា។ លោក Silverstein ថ្លែងប្រាប់ទស្សនាវដ្តី New Yorker ថា៖ «អគារលេខ៧ចាស់ជាអគារធ្វើពីថ្ម ដែលធ្ងន់និងធំ។ លើកនេះយើងនឹងស្ថាបនាអគារដែលនឹងស្រាលជាងនេះ»។
លោក Childs បានគូសប្លង់អគារមួយដែលស្តួចជាងមុនក្រាលដោយកញ្ចក់កម្ពស់៥២ជាន់ ដោយមានស្ថានីយអគ្គិសនីតូចជាងមុននៅជាន់គ្រឹះ ដែលមានរាងជាចតុរស្ស ដើម្បីឱ្យគេអាចបើកផ្លូវ Greenwich Street ឡើងវិញបានខ្លះ ដែលពីមុនត្រូវបានបិទទាំងស្រុងដោយអគារចាស់។
អគារលេខ៧ 7 WTC បានក្លាយជាអគារដំបូងនៅក្រុង New York ដែលបានទទួលការវាយតម្លៃកម្រិតមាសខាងការរចនាឈានមុខផ្នែកថាមពលនិងបរិស្ថាន ឬហៅថា LEED ពីក្រុមប្រឹក្សាអគារបៃតងសហរដ្ឋអាមេរិក។ អ្នកជួលសំខាន់ៗនៅអគារនេះ រូមមាន ក្រុមហ៊ុន Broadcast Music, Inc. (BMI), Jeffrey Beers International, Mansueto Ventures, Moet Hennessy USA, Moody’s Corporation, បណ្ឌិត្យសភាវិទ្យាសាស្ត្រក្រុង New York, Silverstein Properties, WilmerHale និងក្រុមហ៊ុន Zola។
បច្ចុប្បន្ន
ទីតាំងដើមអគារលេខ៧ 7 WTC
អគារលេខ៧ 7 WTC ថ្មី
រូបថត៖ Vladimir Badikov, VOA២៥ សីហា ២០២១រូបថត៖ Vladimir Badikov, VOA២៥ សីហា ២០២១
សួនដែលត្រូវរចនាឡើងដោយស្ថាបត្យករទេសភាពលោក Ken Smith នេះមានផ្ទៃ១.៣៩០ម៉ែត្រការ៉េ មានអាងបាញ់ទឹករាងមូលនៅកណ្តាល និងមានដើមឈើនិងគុម្ពោតនៅបរិវេណជុំវិញ។ សួននេះជាកន្លែងស្ងប់ស្ងាត់សម្រាកលម្ហែកាយសម្រាប់អ្នកធ្វើការ អ្នកក្រុងនិងអ្នកទេសចរ។
National Institute of Standards and Technology (NIST)
New York Times
New Yorker magazine
Park Odyssey (Blog)
Silverstein Properties email to VOA regarding Balloon Flower and 7 WTC tenant list
Tribeca Citizen
WTC.com (Silverstein Properties)
ទីតាំងដើមព្រះវិហារគ្រិស្តសាសនាតឹងរ៉ឹងបែបក្រិក Saint Nicholas
មុនថ្ងៃ ១១ កញ្ញា
ទីតាំងដើមព្រះវិហារគ្រិស្តសាសនាតឹងរ៉ឹងបែបក្រិក Saint Nicholas
រូបថត៖ Greek Orthodox Archdiocese of Americaកាលបរិច្ឆេទ មិនដឹង
ព្រះវិហារគ្រិស្តសាសនានិកាយក្រិក Orthodox ឈ្មោះ Saint Nicholas ត្រូវបានបង្កើតឡើងនៅឆ្នាំ១៩១៦ ដោយក្រុមជនអន្តោប្រវេស្តន៍ក្រិកដែលបានតាំងទីលំនៅនៅតំបន់ Lower Manhattan ក្រោយពីបានជិះកប៉ាល់មកដល់សហរដ្ឋអាមេរិក។
ពួកគេបានបង្កើតព្រះវិហារនៅក្នុងផ្ទះល្វែងមួយដែលត្រូវបានសាងសង់ឡើងកាលពីប្រមាណឆ្នាំ១៨៣០ជាគេហដ្ឋានឯកជន ដែលពួកគេបានទិញក្នុងតម្លៃ២៥.០០០ដុល្លារ។ ក្រុមស្ថាបនិក ដែលជាច្រើនជាកម្មករធ្វើការលើនាវា បានឧទ្ទិសផ្ទះល្វែងដែលត្រូវប្រែក្លាយឱ្យទៅជាកន្លែងគោរពបូជានៅអាស័យដ្ឋានលេខ ១៥៥ ផ្លូវ Cedar នេះ ដល់ Saint Nicholas ដែលជាសន្តបុគ្គលនៃនាវិកទាំងនោះ។
នៅថ្ងៃ១១ កញ្ញា
ទីតាំងដើមព្រះវិហារគ្រិស្តសាសនាតឹងរ៉ឹងបែបក្រិក Saint Nicholas
រូបថត៖ Eric O’Connell១១ កញ្ញា ២០០១
វិហារ Saint Nicholas ត្រូវបានបំផ្លាញរាបដល់ដីដោយសារការបាក់រលំនៃអគារភ្លោះខាងត្បូងក្នុងព្រឹត្តិការណ៍ ១១ កញ្ញា។ មិនមានអ្នកណាម្នាក់នៅក្នុងវិហារពេលនោះទេ។ វិហារនេះជាអគារសម្រាប់គោរពបូជាតែមួយគត់ដែលត្រូវបានបំផ្លាញក្នុងព្រឹត្តិការណ៍វាយប្រហារភេរវកម្មនេះ។ ក្នុងអំឡុងការបោសសម្អាតនៅទីតាំងនោះ គេបានប្រទះឃើញវត្ថុសាសនាមួយចំនួន។
២០១១
ទីតាំងដើមព្រះវិហារគ្រិស្តសាសនាតឹងរ៉ឹងបែបក្រិក Saint Nicholas
ទីតាំងនៃអនាគតមជ្ឈមណ្ឌលសន្តិសុខយានយន្ត
រូបថត៖ Michael Lipin, VOA៣០ កក្កដា ២០១១
ក្រោយការចរចាអស់រាប់ឆ្នាំអំពីជោគវាសនានៃទីតាំងព្រះវិហារ Saint Nicholas អាជ្ញាធរថ្នាក់មូលដ្ឋាននិងថ្នាក់រដ្ឋបានឈានដល់កិច្ចព្រមព្រៀងជាមួយគណៈសង្ឃនិកាយក្រិករបស់អាមេរិក (Greek Orthodox Archdiocese of America) នៅខែកក្កដា ឆ្នាំ២០០៨ ដើម្បីឱ្យស្ថាបនាវិហារឡើងវិញនៅកន្លែងមួយជាសួននាពេលអនាគត នៅមួយប្លុកខាងកើតទីតាំងចាស់នៃវិហារនោះ។ កិច្ចព្រមព្រៀងនោះទាមទារឱ្យគណៈសង្ឃផ្ទេរកម្មសិទ្ធិដីនៃវិហារដែលត្រូវបំផ្លាញនៅអាស័យដ្ឋានលេខ ១៥៥ ផ្លូវ Cedar នោះ ឱ្យទៅអាជ្ញាធរ Port Authority ដើម្បីឱ្យអាជ្ញាធររួមគ្នាពីររដ្ឋនេះអាចចាប់ផ្តើមជីកទីតាំងនោះធ្វើជាមជ្ឈមណ្ឌលសន្តិសុខយានយន្តនៅក្រោមដីសម្រាប់បណ្តុំអគារមជ្ឈមណ្ឌលពាណិជ្ជកម្មពិភពលោក។
ជាថ្នូរនឹងការផ្ទេរកម្មសិទ្ធិដីនេះ អាជ្ញាធរ Port Authority បានយល់ព្រមផ្តល់ដល់គណៈសង្ឃវិញនូវថវិកា ២០លានដុល្លារដើម្បីជួយសាងសង់ព្រះវិហារលើផ្ទៃដីធំជាងមុននៅទីតាំងថ្មី និងយល់ព្រមចេញចំណាយបន្ថែមទៀតប្រមាណ២០ទៅ៤០លានដុល្លារសម្រាប់ការស្ថាបនាវេទិកាជួយទ្រទ្រង់អគារថ្មីនៅពីលើមជ្ឈមណ្ឌលសន្តិសុខយានយន្ត។
ប៉ុន្តែការចរចាដើម្បីសម្រេចកិច្ចព្រមព្រៀងនេះបានបរាជ័យនៅខែមីនាឆ្នាំ២០០៩។ អាជ្ញាធរ Port Authority បានសម្រេចបន្តការជីកនៅទីតាំងវិហារចាស់នៅពាក់កណ្តាលឆ្នាំ២០១០ ដោយអះអាងថាខ្លួនមិនអាចរង់ចាំបន្តទៀតទេ ដើម្បីស្ថាបនាមជ្ឈមណ្ឌលសន្តិសុខយានយន្ត ដែលនឹងដើរតួជាផ្លូវគមនាគមន៍សំខាន់សម្រាប់មជ្ឈមណ្ឌលពាណិជ្ជកម្មពិភពលោកដែលនឹងត្រូវសាងសង់ថ្មីនោះ។ គណៈសង្ឃបានប្តឹងអាជ្ញាធរ Port Authority នៅឆ្នាំ២០១១ ដោយចោទអាជ្ញាធរនេះថាបានរំលោភដីធ្លីនិងរំលោភលើបញ្ញត្តិនៃកិច្ចព្រមព្រៀងដីបឋម។
អភិបាលរដ្ឋ New York លោក Andrew Cuomo បានសម្របសម្រួលឲ្យមានកិច្ចព្រមព្រៀងចុងក្រោយមួយរវាងភាគីទាំងសងខាង នៅថ្ងៃទី១៤ ខែតុលា ឆ្នាំ២០១១ ដែលអនុញ្ញាតឱ្យគណៈសង្ឃអាចចាប់ផ្តើមកិច្ចការគូសប្លង់ព្រះវិហារថ្មី។
បច្ចុប្បន្ន
ទីតាំងដើមព្រះវិហារគ្រិស្តសាសនាតឹងរ៉ឹងបែបក្រិក Saint Nicholas
ប្លង់រចនារបស់ស្ថាបត្យករទេសភាពអាមេរិកលោក Joseph E. Brown អំពីសួនដែលជាកម្មសិទ្ធិរបស់អាជ្ញាធរ Port Authority នេះ ត្រូវបានបង្ហាញនៅក្នុងឆ្នាំ២០១៣ ហើយការស្ថាបនាគម្រោង៥០លានដុល្លារនេះនឹងត្រូវចាប់ផ្តើមមួយឆ្នាំបន្ទាប់មក។
រូបចម្លាក់ America’s Response Monument ត្រូវបានបង្ហាញដំបូងនៅថ្ងៃទី១១ ខែកញ្ញា ឆ្នាំ២០១១ នៅសាលទទួលភ្ញៀវនៃអគារ One World Financial Center ចូលតាមវិថី West Street គឺនៅជាប់ទីតាំង Ground Zero. រូបចម្លាក់ត្រូវបានគេប្តូរទីតាំងនិងសម្ពោធជាថ្មីកាលពីថ្ងៃទី១៩ ខែតុលា ឆ្នាំ២០១២ នៅទីតាំងខាងក្រៅមួយកន្លែងតាមវិថី Vesey Street នៅជិតច្រកចូលស្ថានីយបណ្តោះអាសន្ននៃរថភ្លើង PATH និងអគារ One World Trade Center ដែលគេកំពុងសាងសង់។ រូបចម្លាក់នេះត្រូវបានគេប្តូរទីតាំងជាចុងក្រោយទៀតទៅកាន់សួនសេរីភាព និងត្រូវសម្ពោធជាលើកទី៣ទៀតនៅក្នុងពិធីមួយនៅថ្ងៃ ទី១៣ ខែកញ្ញា ឆ្នាំ២០១៦។
Pro Landscaper (Britain-based landscaping sector publication)
Project MUSE (Johns Hopkins University)
Tectonic Engineering Consultants, Geologists & Land Surveyors, D.P.C.
The Tribeca Trib
USA Today
Wall Street Journal
ទីតាំងដើមអគារធនាគារ Deutsche Bank
មុនថ្ងៃ ១១ កញ្ញា
ទីតាំងដើមអគារធនាគារ Deutsche Bank
រូបថត៖ Scott Murphy1997
អគារការិយាល័យកម្ពស់៤០ជាន់និងទីលានដែលជាកម្មសិទ្ធិរបស់ក្រុមហ៊ុនធនាគារអាមេរិក Bankers Trust បានបើកធ្វើអាជីវកម្មដំបូងនៅអាស័យដ្ឋាន ១៣០ វិធីសេរីភាព (Liberty Street) នៅឆ្នាំ ១៩៧៤។ ទីលានត្រូវគេហៅថា Bankers Trust Plaza ហើយអគារមានគ្រោងធ្វើពីដែកថែបនិងមានផ្នែកខាងមុខធ្វើពីអាលុយមីញ៉ូមពណ៌ខ្មៅនិងកញ្ចក់ងងឹត។ អគារនេះត្រូវប្តូរឈ្មោះទៅជាអគារ Deutsche Bank ក្រោយធនាគារអាល្លឺម៉ង់នេះបានទិញក្រុមហ៊ុន Bankers Trust នៅឆ្នាំ១៩៩៩។
នៅថ្ងៃ១១ កញ្ញា
ទីតាំងដើមអគារធនាគារ Deutsche Bank
រូបថត៖ Bri Rodriguez, FEMA News២៧ កញ្ញា ២០០១
អគារ Deutsche Bank ត្រូវបានជម្លៀសស្ទើរទាំងស្រុងនៅថ្ងៃ ១១ កញ្ញា នៅពេលកម្ទេចកម្ទីពីអគារភ្លោះខាងត្បូងដែលបានបាក់រលំបានបណ្តាលឱ្យមានរង្វះយ៉ាងជ្រៅនៅផ្នែកខាងជើងនៃអគារនោះ។ សន្តិសុខម្នាក់ដែលបានជួយក្នុងការជម្លៀសនោះគឺលោក Francisco Bourdier បានស្លាប់ក្នុងព្រឹត្តិការណ៍នោះ។ អគារខ្ពស់នេះពោរពេញដោយធូលីពុលពីទីតាំងអតីតមជ្ឈមណ្ឌល WTC នៅជាប់នោះ ហើយមានផ្សិតដុះដែលបណ្តាលមកពីទឹកភ្លៀងដែលសាចចូលតាមបង្អួចដែលបែកបាក់នោះ។ គេបានដាក់សំណាញ់ជុំវិញដើម្បីការពារកុំឱ្យមានកម្ទេចកម្ទីធ្លាក់។
នៅឆ្នាំ២០០២ ធនាគារ Deutsche Bank បានប្រកាសថាអគារខ្ពស់នេះមិនអាចប្រើប្រាស់បានខូចខាតទាំងស្រុង និងទាមទារសំណង១.៧០០លានដុល្លារពីក្រុមហ៊ុនធានារ៉ាប់រង។ ក្រុមហ៊ុនធានារ៉ាប់រងពីរមិនយល់ស្រប ដោយអះអាងថាអគារនេះ អាចសម្អាតនិងជួសជុលប្រើប្រាស់វិញបាន។ ក្រោយមកជម្លោះផ្លូវច្បាប់មួយបានកើតឡើងនៅពេលធនាគារ Deutsche Bank ប្តឹងក្រុមហ៊ុនធានារ៉ាប់រង Allianz និង AXA នៅខែសីហា ឆ្នាំ២០០៣ ដើម្បីបង្ខំឱ្យបង់សំណងទាំងស្រុង។
ជិត១០ឆ្នាំក្រោយពីការវាយប្រហារថ្ងៃ១១ កញ្ញា ធ្វើឱ្យអគារ Deutsche Bank មិនអាចប្រើប្រាស់បាន ការវាយចោលអគារនេះបានចប់សព្វគ្រប់នៅខែកុម្ភៈឆ្នាំ២០១១នៅពេលកម្មករវាយកម្ទេចដល់ជាន់ក្រោមដី។
នៅជំហានដំបូងឆ្ពោះទៅកាន់ការវាយចោលអគារនេះ សហគ្រាស Lower Manhattan Development Corporation បានសន្យាទិញអគារនេះពី Deutsche Bank ក្នុងតម្លៃ៩០លានដុល្លារនិងចេញថ្លៃវាយកម្ទេចផ្នែកមួយនៃកិច្ចព្រមព្រៀងខែកុម្ភៈឆ្នាំ២០០៤។ កិច្ចព្រមព្រៀងដែលត្រូវបានសម្របសម្រួលដោយអតីតមេដឹកនាំសំឡេងភាគច្រើននៅព្រឹទ្ធសភាអាមេរិកលោក George Mitchell ថែមទាំងបានអំពាវនាវឱ្យធនាគារអាល្លឺម៉ង់នេះទទួលប្រាក់១៤០លានដុល្លារពីក្រុមហ៊ុនធានារ៉ាប់រងខ្លួន។ ការណ៍នេះបានដោះស្រាយជម្លោះផ្លូវច្បាប់។ ផ្នែកមួយទៀតនៃកិច្ចព្រមព្រៀងនេះចែងអំពីការយកទីតាំងអគារនេះ ទៅប្រើប្រាស់សម្រាប់ការពង្រីកមជ្ឈមណ្ឌលសន្តិសុខយានយន្ត ក្រោយការវាយចោលរួច។ សម្រាប់ដីដែលនៅសល់ទាំងប៉ុន្មាន នឹងយកទៅពង្រីកមជ្ឈមណ្ឌលពាណិជ្ជកម្មពិភពលោក WTC ទៅភាគខាងត្បូងរហូតដល់វិថី Albany។
សហគ្រាស LMDC បានក្លាយជាម្ចាស់អគារមានទីតាំងលេខ 130 វិថីសេរីភាព Liberty Street នេះកាលពីថ្ងៃទី៣១ ខែសីហា ឆ្នាំ២០០៤។ ប៉ុន្តែបញ្ហាដែលរារាំងការវាយចោលឱ្យបានឆាប់រហ័សបានលេចឡើងនៅប៉ុន្មានឆ្នាំបន្ទាប់។ អាជ្ញាធរបានរកឃើញមានជាតិពុលនៅក្នុងអគារនេះច្រើនជាងការរំពឹងទុក ដែលនេះបាននាំឱ្យមានជម្លោះខាងបរិស្ថាននិងហិរញ្ញវត្ថុជាមួយអ្នករស់នៅក្បែរនោះ ក្រុមនិយ័តករ និងក្រុមអ្នកជាប់កិច្ចសន្យា អំពីវិធីយកជាតិពុលចេញនិងការវាយកម្ទេចអគារនោះចោល។ ម៉្យាងទៀតកម្មករក៏បានប្រទះឃើញឆ្អឹងជនរងគ្រោះដែលបានស្លាប់ក្នុងការបាក់រលំអគារភ្លោះខាងត្បូង ដែលនេះបាននាំឱ្យគេពន្យារការវាយចោលនោះ ដើម្បីបន្តស្វែងរកអដ្ឋិធាតុមនុស្ស។ ជារួមគេរកឃើញបំណែកឆ្អឹងចំនួន៧០០។
សហគ្រាស LMDC ក៏បន្តដំណើរការវាយកម្ទេចចោលអគារនេះនៅខែវិច្ឆិកា ឆ្នាំ២០០៩។ ក្រោយចំណាយអស់ជាង២៦០លានដុល្លារ ក្នុងដំណើរការវាយកម្ទេចចោលរយៈពេល៦ឆ្នាំដោយមានជំនួយថវិកាពីរដ្ឋាភិបាលសហព័ន្ធ សហគ្រាស LMDC បានបញ្ចប់ការវាយចោលនេះសព្វគ្រប់នៅខែកុម្ភៈឆ្នាំ២០១១។ បន្ទាប់មកសហគ្រាសនេះក៏ផ្ទេរការគ្រប់គ្រងផ្នែកខាងជើងនៃទីតាំងអតីតអគារ Deutsche Bank ទៅនៅក្រោមការគ្រប់គ្រងរបស់អាជ្ញាធរ Port Authority ដើម្បីចាប់ផ្តើមការដ្ឋានសាងសង់មជ្ឈមណ្ឌលសន្តិសុខយានយន្តសម្រាប់បណ្តុំអគារ WTC។
បច្ចុប្បន្ន
ទីតាំងដើមអគារធនាគារ Deutsche Bank
ឡូតិ៍ដីទទេបម្រុងសម្រាប់អនាគតអគារលេខ៥ 5 WTC
រូបថត៖ Vladimir Badikov, VOA២៥ សីហា ២០២១
១០ឆ្នាំក្រោយអាជ្ញាធរបានវាយចោលអគារ Deutsche Bank ដែលបែកបាក់នៅថ្ងៃ ១១ កញ្ញា មក ទីតាំងនៅប៉ែកខាងត្បូងនៅទំនេរមិនមានការអភិវឌ្ឍអ្វីនៅឆ្នាំ២០២១ ខណៈប្លង់សាងសង់អគារលេខ៥ Five World Trade Center ថ្មីកំពុងរង់ចាំការយល់ព្រមពីស្ថាប័នរដ្ឋាភិបាលមួយចំនួន។ សហគ្រាស Lower Manhattan Development Corporation នៅមានកម្មសិទ្ធិលើដីទំនេរនោះ ដែលគេហៅថា site 5 ដែលនៅជាប់វិថី Washington, Albany និង Greenwich។
ក្រោយពីទីលានបូជនីយដ្ឋានជាតិថ្ងៃ១១កញ្ញា បានបើកទទួលសាធារណជននៅខែកញ្ញា ឆ្នាំ២០១១មក សហគ្រាស LMDC បានអនុញ្ញាតឲ្យគេយកផ្នែកខាងត្បូងនៃទីតាំង site 5 ធ្វើជាកន្លែងអ្នកចូលទស្សនារង់ចាំយកសំបុត្រចូល។
រូបថត៖ Vladimir Badikov, VOA២៥ សីហា ២០២១
សហគ្រាស LMDC បានសម្រេចអភិវឌ្ឍផ្នែកខាងត្បូងដែលទំនេរនៃទីតាំង site 5 ឱ្យទៅជាសួនបណ្តោះអាសន្នមួយ ជាផ្នែកមួយនៃគម្រោងរបស់អង្គការ Downtown Alliance ដែលតស៊ូមតិឱ្យអាជីវកម្មនៅតំបន់ Lower Manhattan។ សួននេះបានបើកនៅថ្ងៃទី ២ ខែកញ្ញា ឆ្នាំ២០១៤ និងមានឈ្មោះថា Albany Street Plaza ដោយមានបង់អង្គុយ ដើមឈើនិងគំនូរលើជញ្ជាំង និងមានស្ថានីយប៉ូលិសនៅក្បែរនោះ។
រូបថត៖ Vladimir Badikov, VOA២៥ សីហា ២០២១
សហគ្រាស LMDC បានអនុញ្ញាតឲ្យអាជ្ញាធរ Port Authority ដាក់ស្ថានីយប៉ូលិសរបស់ខ្លួននៅជ្រុងខាងជើងនៃទីតាំង site 5 នៅថ្ងៃទី២៤ ខែមេសា ឆ្នាំ២០១៤។ ក្នុងជំហានសំខាន់មួយដើម្បីសម្រេចបានចក្ខុវិស័យសាងសង់អគារ 5 WTC លោក Andrew Cuomo អភិបាលរដ្ឋ New York សហគ្រាស LMDC និងអាជ្ញាធរ Port Authority បានចាប់ផ្តើមទទួលសំណើពីអ្នកអភិវឌ្ឍអចលនទ្រព្យ ឱ្យជួលឬទិញទីតាំងនោះដើម្បីសាងសង់អគារសម្រាប់លក់ដូរឬសម្រាប់គោលបំណងផ្សេងៗ។
នៅថ្ងៃទី១១ ខែកុម្ភៈឆ្នាំ២០២១ សហគ្រាស LMDC និងអាជ្ញាធរ Port Authority បានសម្រេចចរចាផ្តាច់មុខជាមួយជាមួយអ្នកវិនិយោគមួយក្រុមដែលស្នើជួលទីតាំងនោះសាងសង់អគារលំនៅដ្ឋាន។ កិច្ចសន្យា៩៩ឆ្នាំនោះតម្រូវឱ្យអ្នកអភិវឌ្ឍនោះបង់ប្រាក់ឈ្នួលដោយផ្ទាល់ទៅអាជ្ញាធរ Port Authority។ ក្រុមអ្នកវិនិយោគនោះដឹកនាំដោយក្រុមហ៊ុនអាមេរិក Silverstein Properties និងក្រុមហ៊ុនកាណាដា Brookfield Properties។
អាជ្ញាធរ Port Authority ថ្លែងប្រាប់វីអូអេថា ការចរចាជាមួយក្រុមអ្នកវិនិយោគនោះ ដើម្បីសម្រេចកិច្ចព្រមព្រៀងជួលអនាគតអគារ 5 WTC នៅមានបន្តកាលពីខែសីហា ដោយគេមិនដឹងថានឹងបញ្ចប់នៅពេលណាទេ។
ព្រះវិហារគ្រិស្តសាសនាក្រិក Saint Nicholas ថ្មី និងទីធ្វើសក្ការៈបូជាជាតិ
រូបថត៖ Vladimir Badikov, VOA២៥ សីហា ២០២១
២០ឆ្នាំក្រោយព្រះវិហារដើមត្រូវបានបំផ្លាញក្នុងព្រឹត្តិការណ៍ ១១ កញ្ញា ការស្ថាបនា ព្រះវិហារគ្រិស្តសាសនាក្រិក Saint Nicholas ថ្មី និងទីធ្វើសក្ការៈបូជាជាតិ បានឈានជិតដល់ទីបញ្ចប់នៅទីតាំងក្បែរនោះនៅខែសីហា ឆ្នាំ២០២១។ វិហារថ្មីនេះត្រូវរចនាឡើងដោយស្ថាបត្យករអេស្ប៉ាញលោក Santiago Calatrava ដែលគណៈសង្ឃវិហារគ្រិស្តសាសនាក្រិកនៅអាមេរិក ជួលឱ្យគូសប្លង់នៅឆ្នាំ២០១២។
រូបថត៖ Vladimir Badikov, VOA២៥ សីហា ២០២១
ប្លង់លោក Calatrava បង្ហាញពីអគារមានដំបូលមូលពីលើធ្វើពីថ្មម៉ាប អមដោយសសរបួនជុំវិញ យកគំរូតាមព្រះវិហារ Hagia Sophia នៅក្រុង Istanbul និងវិហារ Church of the Holy Savior នៅ Chora ជាវិហារគ្រិស្តសាសនាក្រិកពីរដែលអាជ្ញាធរតួកគីប្តូរទៅជាកន្លែងសាសនាអ៊ីស្លាមវិញនៅឆ្នាំ២០២០។ វិហារក្រិកថ្មីនេះស្ថិតនៅក្នុងសួនសេរីភាពថ្មីរបស់ World Trade Center ហើយការស្ថាបនាមានតម្លៃ២០លានដុល្លារ ដែលបានចាប់ផ្តើមនៅថ្ងៃទី១៨ ខែតុលា ឆ្នាំ២០១៤ និងឈានដល់ដាក់គ្រោងចុងក្រោយនៅថ្ងៃទី២៩ ខែវិច្ឆិកា ឆ្នាំ២០១៦។
រូបថត៖ Vladimir Badikov, VOA២៤ សីហា ២០២១
អាជ្ញាធរ Port Authority ដែលបានយល់ព្រមឱ្យគណៈសង្ឃក្រិកស្ថាបនាព្រះវិហារថ្មីលើដីសួនដែលដោះដូរគ្នានោះ បានចុះកិច្ចព្រមព្រៀងមួយទៀតជួលទីតាំងនោះគណៈសង្ឃដល់១៩៨ឆ្នាំ។ គណៈសង្ឃក្រិកយល់ព្រមឱ្យអាជ្ញាធរ Port Authority ជាម្ចាស់កម្មសិទ្ធិទីតាំងនោះ ដោយឱ្យទីភ្នាក់ងាររដ្ឋាភិបាលអាចទទួលខុសត្រូវខាងកិច្ចការសុំអាជ្ញាប័ណ្ណសាងសង់ជាដើម។
ការស៊ើបអង្កេតដែលបញ្ចប់នៅខែតុលា ឆ្នាំ២០១៨ មិនបានរកឃើញការគៃបន្លំឬប្រើប្រាស់ថវិកាមិនត្រឹមត្រូវនោះទេ។ គណៈសង្ឃនេះក៏យល់ព្រមតាមសំណើអ្នកស៊ើបអង្កេតឱ្យបង្កើតមូលនិធីឯករាជ្យថ្មីមួយឈ្មោះ Friends of Saint Nicholas ដើម្បីរៃអង្គាសប្រាក់សម្រាប់បញ្ចប់គម្រោងសាងសង់នោះ។ អង្គការ The Friends of Saint Nicholas រៃអង្គាសបានដល់៩៥លានដុល្លារនៅត្រឹមខែមិថុនាឆ្នាំ២០២១ គឺលើសចំនួនត្រូវការ៥ដង ហើយការសាងសង់បានចាប់ផ្តើមវិញកាលពីថ្ងៃទី៣ ខែសីហា ឆ្នាំ២០២០។
រូបថត៖ Vladimir Badikov, VOA២៤ សីហា ២០២១រូបថត៖ Vladimir Badikov, VOA២៤ សីហា ២០២១
គណៈសង្ឃក្រិកថា ខណៈកិច្ចការសាងសង់ផ្នែកខាងក្នុងនឹងត្រូវបន្តដល់ឆ្នាំ២០២២ ពិធីបើកទទួលសាធារណជនហៅថា thyranoixia នឹងត្រូវប្រារព្ធឡើងនៅថ្ងៃទី២ ខែវិច្ឆិកា ឆ្នាំ២០២១ ដើម្បីឱ្យចំនឹងទស្សនកិច្ចរបស់សម្តេចសង្ឃ Ecumenical Patriarch Bartholomew I of Constantinople មានមូលដ្ឋាននៅតួកគី។
អនាគត
ទីតាំងដើមអគារធនាគារ Deutsche Bank
Future 5 WTC អនាគតអគារលេខ៥ 5 WTC
រូបថត៖ Kohn Pedersen Fox
សំណើមួយរបស់សក្រុមហ៊ុន Silverstein Properties និងក្រុមហ៊ុន Brookfield Properties សម្រាប់អនាគតអគារលេខ៥ Five World Trade Center ចង់សង់អគារមួយដែលនឹងមានកម្ពស់២៧៤ម៉ែត្រនិងប្រមាណ៨០ជាន់។
រូបថត៖ Kohn Pedersen Fox
រូបនៃអគារដែលត្រូវរចនាប្លង់ដោយក្រុមហ៊ុន Kohn Peterson Fox ត្រូវបានបង្ហាញនៅខែកុម្ភៈឆ្នាំ២០២១។ ជាន់គ្រឹះអគារមានហាងលក់ទំនិញជាប់ផ្លូវ ហើយ១០ជាន់ពីលើនោះមានការិយាល័យភាគច្រើន។ ៦៩ជាន់ពីលើនោះទៀតមានផ្ទះលំនៅដ្ឋានសរុប ១.៣២៥សម្រាប់ជួល។ ១ភាគ៤នៃផ្ទះទាំងនោះត្រូវមានតម្លៃជួលធូរថ្លៃសម្រាប់ពលរដ្ឋមានចំណូលទាប។
ដំណើរការសុំអាជ្ញាប័ណ្ណនេះរួមមានការសុំកែប្រែប្លង់ដើមនៃតំបន់ World Trade Center ដែលបានចាត់ទុកអគារលេខ៥ 5 WTC ថាជាអគារការិយាល័យទាំងស្រុង។ ពលរដ្ឋក្នុងសហគមន៍ក៏នឹងត្រូវគេប្រឹក្សាទាក់ទងនឹងការផ្លាស់ប្តូរប្លង់មេ GPP នោះ។ មានពលរដ្ឋរស់នៅតំបន់ Lower Manhattan បានរិះគន់ប្លង់អគារ 5 WTC ថាមានផ្ទះបម្រុងទុកសម្រាប់ជនមានចំណុចទាបតិចតួចពេក។
ព្រះវិហារគ្រិស្តសាសនាក្រិក Saint Nicholas ថ្មី និងទីធ្វើសក្ការៈបូជាជាតិ
រូបថត៖ Santiago Calatrava
ព្រះវិហារគ្រិស្តសាសនាក្រិក Saint Nicholas ថ្មី និងទីធ្វើសក្ការៈបូជាជាតិនឹងក្លាយជាកន្លែងសម្រាប់គោរពសាសនាតែមួយគត់នៅបណ្តុំអគារមជ្ឈមណ្ឌលពាណិជ្ជកម្មពិភពលោកថ្មី។ ផ្នែកកណ្តាលនៃវិហារនេះនឹងត្រូវគេប្រើសម្រាប់ពិធីគ្រិស្តសាសនាក្រិក ដោយជាន់ទី២និងទី៣នឹងត្រូវគេប្រើសម្រាប់កម្មវិធីបុណ្យ អប់រំនិងវប្បធម៌ផ្សេងៗ។
Council on Tall Buildings and Urban Habitat (CTBUH)
dailyarchnews (Toronto)
Downtown Alliance
Emporis
Greek News (Greek American Newsweekly)
Greek Orthodox Archdiocese of America
Greek Reporter
Flikr.com 2016 photo by user “jag9889”
Friends of Saint Nicholas & Greek Orthodox Archdiocese of America phone interview with VOA
Lower Manhattan Development Corporation
New York Post
New York State Governor’s Press Release (George Pataki)
New York Times
New York YIMBY (Yes In My Backyard)
Port Authority of New York and New Jersey
Port Authority Police Benevolent Association
Religion News Service (RNS)
Saint Nicholas Greek Orthodox Church and National Shrine
Santiago Calatrava Architects & Engineers
Silverstein Properties
The Tribeca Trib
Urbanize New York City
Wall Street Journal
WestView News (The Voice of the West Village)
World-Architects
ទីតាំងដើមអគារ Fiterman Hall
មុនថ្ងៃ ១១ កញ្ញា
ទីតាំងដើមអគារ Fiterman Hall
រូបថត៖ Carmine A. Gualtieriកាលបរិច្ឆេទមិនដឹង
អគារកម្ពស់១៦ ជាន់តាមវិថី West Broadway នេះបានបើកនៅឆ្នាំ១៩៥៩។ អគារនេះត្រូវបានទិញនៅឆ្នាំ១៩៧៨ ដោយពាណិជ្ជករលោកMiles Fiterman ។ លោកនិងភរិយាឈ្មោះ Shirley បានបរិច្ចាគអគារនេះឱ្យមហាវិទ្យាល័យសហគមន៍សង្កាត់ Manhattan នៃសាកលវិទ្យាល័យ City University of New York នៅឆ្នាំ១៩៩៣។
រូបថត៖ BMCCកាលបរិច្ឆេទមិនដឹង
ដោយមានតម្លៃ៣០លានដុល្លារ អគារនេះជាអំណោយដ៏មានតម្លៃបំផុតដែលគេធ្លាប់ឱ្យដល់មហាវិទ្យាល័យសហគមន៍មួយនៅសហរដ្ឋអាមេរិកនៅពេលនោះ។ សាកលវិទ្យាល័យ CUNY ដែលគ្រប់គ្រងដោយរដ្ឋ New York បានប្តូរឈ្មោះអគារនោះឱ្យទៅជា Fiterman Hall ដើម្បីជាកត្តិយសដល់ស្វាមីភរិយាដែលបានធ្វើអំណោយនោះ ហើយបានកែប្រែបន្ទប់គេហដ្ឋានក្នុងអគារនោះឲ្យទៅជាថ្នាក់រៀននិងបន្ទប់ពិសោធន៍ចំនួន៤០។
នៅថ្ងៃ១១ កញ្ញា
ទីតាំងដើមអគារ Fiterman Hall
រូបថតពី FEMA World Trade Center Building Performance Study បោះពុម្ព ខែឧសភា ឆ្នាំ២០០២២០០១ ក្រោយថ្ងៃ ១១ កញ្ញា
នៅព្រឹកថ្ងៃទី ១១ ខែកញ្ញា ឆ្នាំ២០០១ មានសិស្ស និងបុគ្គលិកប្រមាណ១.០០០នាក់នៅអគារ Fiterman Hall ដែលនៅពេលនោះស្ថិតក្រោមការជួសជុលដែលបានចាប់ផ្តើមនៅឆ្នាំ២០០០ ដើម្បីដំឡើងឧបករណ៍ថ្មីនៅថ្នាក់រៀននិងធ្វើឱ្យអគារនេះមានតម្លៃ ២៧៥លានដុល្លារ។ ការជួសជុលកំពុងបន្តនិងឈានជិតដល់ទីបញ្ចប់ នៅពេលអ្នកជួលនៅអគារនេះឮសំឡេងផ្ទុះពីយន្តហោះ American Airlines ជើងហោះហើរលេខ១១ ដែលបានហោះបុកអគារភ្លោះខាងជើងនៃមជ្ឈមណ្ឌលពាណិជ្ជកម្មពិភពលោក។ នៅពេលពួកគេមើលឃើញការផ្ទុះនៅចម្ងាយមួយប្លុកពីកន្លែងកើតហេតុ គ្រូនិងបុគ្គលិកនៅអគារ Fiterman Hall បានបញ្ឈប់ថ្នាក់រៀននិងជម្លៀសចេញពីអគារនោះ។
រូបថត៖ Ron Spalter, Ed Sullivan and Carmine Gualtieri២០០១ ក្រោយថ្ងៃ ១១ កញ្ញារូបថត៖ Ron Spalter, Ed Sullivan and Carmine Gualtieri២០០១ ក្រោយថ្ងៃ ១១ កញ្ញារូបថត៖ Ron Spalter, Ed Sullivan and Carmine Gualtieri២០០១ ក្រោយថ្ងៃ ១១ កញ្ញារូបថត៖ Ron Spalter, Ed Sullivan and Carmine Gualtieri២០០១ ក្រោយថ្ងៃ ១១ កញ្ញា
ក្រោយពីអគារភ្លោះបានបាក់រលំមក បុគ្គលិកអគារ Fiterman Hall បានជម្លៀសទៅទីតាំងកណ្តាលរបស់មហាវិទ្យាល័យ BMCC នៅជាច្រើនប្លុកពីនោះ ដើម្បីជួយឱ្យអាជ្ញាធរ ort Authority អាចប្រែក្លាយកន្លែងហាត់កីឡាមួយឱ្យទៅជា កន្លែងព្យាបាលសង្គ្រោះបន្ទាន់។ នៅម៉ោង៥:២០នាទីរសៀល ការបាក់រលំនៃអគារ 7 WTC នៅទល់មុខអគារ Fiterman Hall បណ្តាលឱ្យមានគំនរកម្ទេចកម្ទីច្រើនធ្លាក់មកលើផ្នែកខាងមុខនិងធ្លាយចូលអគារ Fiterman Hall។
រូបថត៖ Ron Spalter, Ed Sullivan and Carmine Gualtieri២០០១ ក្រោយថ្ងៃ ១១ កញ្ញា
សាកលវិទ្យាល័យ CUNY បានអំពាវនាវឱ្យគេវាយកម្ទេចចោលអគារ Fiterman Hall និងសាងសង់វាថ្មី ដោយត្អូញត្អែរថា អគារនេះជាអគារឧត្តមសិក្សាតែមួយគត់នៅសហរដ្ឋអាមេរិកដែលត្រូវខូចខាតក្នុងការវាយប្រហារភេរវកម្ម។
២០១១
ទីតាំងដើមអគារ Fiterman Hall
ប្រភព៖ Alison Klein, VOA២៩ កក្កដា ២០១១
ការសាងសង់អគារ Fiterman Hall ថ្មី ជិតដល់ទីបញ្ចប់នៅឆ្នាំ២០១១ ក្រោយពីការពន្យារការវាយចោលអគារចាស់។
ក្នុងប៉ុន្មានឆ្នាំក្រោយព្រឹត្តិការណ៍ ១១ កញ្ញា អគារ Fiterman Hall ត្រូវជាប់គាំងខណៈមានជម្លោះរវាងសាកលវិទ្យាល័យ CUNY និងក្រុមហ៊ុនធានារ៉ាប់រ៉ង FM Global។ ជម្លោះនេះបានបញ្ចប់ទៅនៅឆ្នាំ២០០៤ ដោយ FM Global យល់ព្រមសងប្រាក់ ៩០លានដុល្លារដល់សាកលវិទ្យាល័យ CUNY។
អ្នករចនាប្លង់របស់អគារ Fiterman Hall ថ្មីគឺក្រុមហ៊ុន Pei Cobb Freed & Partners ថាអគារនេះរៀបចំមានបរិយាកាសសកម្មដើម្បីជួយដល់ការស្តារសកម្មភាពនៅតំបន់នោះឡើងវិញ។
ប្រភព
American Institute of Architects
amNY Downtown Express
Borough of Manhattan Community College (BMCC)
New York Daily News
New York Times
PAL Environmental Services
Professional Staff Congress (PSC) CUNY
PRWeb
ទីតាំងដើមទីលាន WTC
មុនថ្ងៃ ១១ កញ្ញា
ទីតាំងដើមទីលាន WTC
រូបថត៖ Library of Congress, Prints & Photographs Division, Balthazar Korab Collection១៩៧៦
អគារភ្លោះនៃមជ្ឈមណ្ឌលពាណិជ្ជកម្មពិភពលោកនិងទីលានត្រូវបានគេសម្ពោធប្រើប្រាស់កាលពីថ្ងៃទី៤ ខែមេសា ឆ្នាំ១៩៧៣។ នៅត្រង់ចំណុចកណ្តាលទីលាន នៅឆ្នាំ១៩៧២ គេបានដំឡើងរូបចម្លាក់ធ្វើពីសំរិទ្ធមួយដោយសិល្បករអាល្លឺម៉ង់លោក Fritz Koenig។ ការសិក្សាមួយរបស់សាស្ត្រាចារ្យប្រវត្តិសាស្ត្រនៃសាកលវិទ្យាល័យ Columbia University រកឃើញថា រូបចម្លាក់នេះចាប់ផ្តើមនៅឆ្នាំ១៩៦៧ នៅពេលស្ថាបត្យករអាមេរិកដែលរចនាមជ្ឈមណ្ឌលពាណិជ្ជកម្មពិភពលោកគឺលោក Minoru Yamasaki បានទាក់ទងលោក Koenig ឱ្យគូសប្លង់អាងបាញ់ទឹកមួយមានរូបចម្លាក់នៅទីលានដែលគេនឹងសាងសង់ឡើង។ អាជ្ញាធរ Port Authority បានយល់ព្រមលើប្លង់រចនារបស់លោក Koenig នៅ ឆ្នាំ១៩៦៨ និងលោកចាប់ផ្តើមបង្កើតរូបចម្លាក់នោះ។ ពេលបង្កើតរួចរូបចម្លាក់នោះត្រូវបានដឹកតាមនាវាពីទីក្រុង Bremen ប្រទេសអាល្លឺម៉ង់មកដល់ទីក្រុង New York នៅឆ្នាំ១៩៧២ មុននឹងដំឡើងវានៅទីលាន WTC Plaza។
រូបថត៖ Library of Congress, Prints & Photographs Division, Balthazar Korab Collection១៩៧៦
រូបចម្លាក់នេះមានឈ្មោះថា Great Caryatid Sphere, N.Y ហើយលោក Austin J. Tobin អគ្គនាយកអាជ្ញាធរ Port Authority បានសរសើររូបចម្លាក់ដែលវិលនេះថាជានិមិត្តរូបនៃសន្តិភាពពិភពលោកតាមរយៈពាណិជ្ជកម្ម។
ក្រោយការស្លាប់របស់លោក Tobin អាជ្ញាធរ Port Authority បានប្តូរឈ្មោះទីលាននេះពី WTC Plaza មកជា Austin J. Tobin Plaza ដើម្បីជាកិត្តិយសជូនលោក។
នៅថ្ងៃ១១ កញ្ញា
ទីតាំងដើមទីលាន WTC
រូបថត៖ Bri Rodriguez, FEMA News២៧ កញ្ញា ២០០១
ការបាក់រលំនៃអគារភ្លោះបានបំផ្លាញបានបំផ្លាញទីលាននោះ ប៉ុន្តែរូបចម្លាក់ The Sphere បានរងខូចខាតបន្តិចបន្តួចប៉ុណ្ណោះ។ រូបចម្លាក់នេះបានគេប្តូរទីតាំងនៅនៅសួន Battery Park នៅក្បែរនោះនៅឆ្នាំ២០០២ និងដាក់តាំងបង្ហាញដើម្បីជាការរំឭកដល់វិញ្ញាណក្ខន្ធនៃជនរងគ្រោះពីការវាយប្រហារភេរវកម្មនេះ។
ដំណើរការអភិវឌ្ឍបណ្តុះអគារសារមន្ទីរនិងបូជនីយដ្ឋានបានចាប់ផ្តើមនៅខែកក្កដា ឆ្នាំ២០០២ នៅពេលដែលសហគ្រាស Lower Manhattan Development Corporation បានតាក់តែងសេចក្តីប្រកាសគោលដៅនៃគម្រោងនេះ។ ក្រុមប្រឹក្សារបស់សហគ្រាស LMDC បានអនុម័តសេចក្តីប្រកាសគោលដៅចុងក្រោយនៅខែមេសា ឆ្នាំ២០០៣ ក្រោយពីទទួលបានយោបល់ពីក្រុមគ្រួសារជនរងគ្រោះនៃការវាយប្រហារថ្ងៃ១១ កញ្ញា អ្នកនៅ រស់រានមានជីវិត បុគ្គលិកជួយសង្គ្រោះ និងពលរដ្ឋក្នុងតំបន់។ សេចក្តីប្រកាសនេះផ្តល់សិទ្ធិចាត់តែងនានាដល់មូលនិធិបូជនីយដ្ឋាន World Trade Center នៅតំបន់នោះ។ កិច្ចការដំបូងមួយរបស់មូលនិធិនេះគឺការរៃអង្គាសប្រាក់សម្រាប់គម្រោងបូជនីយដ្ឋានខាងលើ។
ការសាងសង់បឋមនូវគម្រោងបូជនីយដ្ឋាននេះចាប់ផ្តើមឡើងនៅខែមីនា ឆ្នាំ២០០៦។ អាជ្ញាធរ Port Authority បានយល់ព្រមចូលគ្រប់គ្រងគម្រោងសាងសង់នេះទាំងស្រុងនៅខែកក្កដា ឆ្នាំ២០០៦ ក្រោយពីអាជ្ញាធរក្រុងនិងរដ្ឋ New York បានសម្រេចថាវាលឿន ជាងនិងអស់ប្រាក់តិចជាងប្រសិនបើស្ថាប័នតែមួយទទួលខុសត្រូវកិច្ចការសាងសង់នៅបណ្តុំអគារ WTC។
អគារសារមន្ទីរពីលើដីត្រូវបានរចនាដោយក្រុមហ៊ុនស្ថាបត្យកម្មន័រវែស Snøhetta ខណៈសារមន្ទីរក្រោយដីត្រូវបានរចនាដោយក្រុមហ៊ុនមានមូលដ្ឋាននៅក្រុង New York ឈ្មោះ Davis Brody Bond។
កន្លែងតាំងពិព័រណ៍ត្រូវបានរចនាដោយក្រុមហ៊ុន Thinc Design និង Local Projects, LLC ដែលមានមូលដ្ឋាននៅក្រុង New York និងក្រុមហ៊ុន Layman Design ដែលមានមូលដ្ឋាននៅរដ្ឋ Illinoi។
រូបថត៖ Vladimir Badikov, VOA២៤ សីហា ២០២១
សារមន្ទីរនេះមានផ្ទៃទំហំ១០.២០០ម៉ែត្រការ៉េ ដែលសម្រាប់រៀបរាប់រឿងរ៉ាវរបស់ព្រឹត្តិការណ៍ភេរវកម្ម ១១ កញ្ញា និងព្រឹត្តិការណ៍ដាក់គ្រាប់បែកភេរវកម្មនៅមជ្ឈមណ្ឌលពាណិជ្ជកម្មពិភពលោក តាមរយៈវត្ថុសិល្បៈ រូបភាព ការនិយាយរឿងផ្ទាល់ខ្លួននិងបច្ចេកវិទ្យាបង្ហាញ។ អ្នកទស្សនាពេលចូលទៅដើរចុះទៅកន្លែងក្រហូងធំមួយដែលជាទីតាំងដើមនៃអគារ WTC។ កន្លែងសំខាន់ៗពីរក្នុងសារមន្ទីរនេះរួមមាន សាល Memorial Hall ដែលមានសរសេរអក្សរបូរាណរ៉ូម៉ាំងថា «មិនមានថ្ងៃណាមួយអាចលុបអ្នកចេញពីការចងចាំនៃពេលវេលាបានទេ» និងសាល Foundation Hall ដែលមានតាំងបំណែកមួយនៃជញ្ជាំងដើមអគារ WTC។
កន្លែងពិសេសផ្សេងទៀតនៃសារមន្ទីរនេះរួមមាន Survivor’s Stairs ដែលជាជណ្តើរដែលជាផ្នែកនៃទីលានដែលជាច្រកចេញរបស់អ្នកធ្វើការនៅអគារ WTC កាលពីថ្ងៃ១១ កញ្ញា និង Last Column ដែលជាគ្រោងដែកថែបរបស់អគារដែលត្រូវគេយកចេញពីទីតាំង Ground Zero ចុងក្រោយបំផុតពេលបោសសម្អាតនៅឆ្នាំ២០០២។
កន្លែងចម្រូងចម្រាសនៃសារមន្ទីរក្រោមដីគឺកន្លែងដាក់អដ្ឋិធាតុនៃជនរងគ្រោះពីការវាយប្រហារ១១កញ្ញា ដែលគេមិនស្គាល់អត្តសញ្ញាណ។ កន្លែងនេះស្ថិតនៅខាងក្រោយសាល Memorial Hall ហើយអ្នកអាចចូលទីនេះបានមានតែបុគ្គលិកពីការិយាល័យស៊ើបអង្កេតសុខាភិបាលរបស់ក្រុង New York។បន្ទប់ឯកជនមួយសម្រាប់ក្រុមគ្រួសារជនរងគ្រោះថ្ងៃ ១១ កញ្ញា ដែលគេហៅថា Reflection Room ស្ថិតនៅជាប់កន្លែងតម្កល់អដ្ឋិធាតុនោះ។
បូជនីយដ្ឋាននិងសារមន្ទីរជាតិ១១ កញ្ញា ថាមនុស្សជាង១៧លាននាក់ហើយបានមកទស្សនាសារមន្ទីរនេះចាប់តាំងពីការបើកទ្វារនៅខែឧសភា ឆ្នាំ២០១៤។ ស្ថាប័ននេះបន្ថែមថា មានមនុស្សជាង៥០លាននាក់ពីជុំវិញពិភពលោកបានទស្សនាទីលាន Memorial plaza ចាប់តាំងបើកសម្ពោធកាលពីឆ្នាំ២០១១។
