د کمربند او لارې اخوا

د شمیرو په اړه

د ویلیم او مري پوهنتون د څیړونکو یوې ډلې، چې د ویرجینیا په ویلیامسبرګ کې د عامه څیړنې یو پوهنتون دی د مرستو هکله اطلاعات ډاټا جوړه کړه، تر څو د چین له لورې د بهرنیو پرمختیایي پروژو تمویل تعقیب کړي. داسې ښکاري چې د دغه مرکز معلومات په خپل ډول کې تر ټولو هراړخیز دي او هغه پروژې هم پکې شاملې دي چې د ۲۰۰۰ او ۲۰۱۷ کلونو ترمنځ د ډېر ټیټ او منځني عاید لرونکو هېوادونو کې پلې شوې او د چین د دولتي شرکتونو یا دولتي ادارو له خوا تمویل شوې او یا په یو ډول ملاتړ شوي دي.

دا ډیټابیس د ۱۳۴۲۷ پروژو د تمویل، عملیاتو او جغرافیایي موقعیت په اړه جزییات وړاندې کوي او د ۹۱زرو څخه زیاتو سرچینو پر بنسټ ولاړ دي. د ویلیم او مري پوهنتون د معلوماتو دا ټولګه د دولتي، خصوصي او عامه بنسټونو لخوا تمویل کیږي.

په دې ډیټابیس کې د ډالرو ټولې مقدارونه په ۲۰۱۷ کې د انفلاسیون نرخ پراساس اندازه شوي ترڅو دا پروژې د وخت په تیریدو سره پرتله شي. هغه پروژې چې لګښت یې نه دی ذکر شوی او په لست کې صفر ډالر درج شوي، پدې دلیل دي چې د هغې مالي ارزښت ټاکل ستونزمن دی او په کې بالمثله ډالۍ، تخنیکي مرستې، بورسونه او تعلیمي فعالیتونه شامل دي. امریکاغږ ځنډول شوې او لغوه شوې پروژې ندي شاملې کړي.

د پروژې امتیاز

د پروژې هماهنگ کونکې: الیزابت لي
لیکواله او څیړونکې: میگن دوزور
طراح او انکشاف ورکونکی: براین ویلیمسن
د ویب طراح: ادین بسلاجیک
اډیټر: شارون شاهد
ژباړه: د امریکاغږ پښتو څانګه

د شمیرو په بنسټ

د نړیوالې ودې لپاره د چین لګښتونه

د روانې پېړۍ له پيل راهيسې، د نړيوالو پرمختيايي پروژو لپاره د چين لګښت شاوخوا يو تريليون ډالرو ته رسېدلی چې پدې توګه بېجينګ د نړۍ د سترو تمويلوونکو په ډله کې راغلی. له ٢٠٠٠ کال څخه تر ٢٠١٨ کال پورې چين د نړۍ په ١٦٥ هېوادونو کې لږ تر لږه ٨٤٣ میليارده ډالره په څه دپاسه ١٣ زرو پروژو لګولي دي. دا شمیرې و ویرجینیا ایالت د ویلیم اومري پوهنتون د مرستو په اړه د څیړنیزو اطلاعاتو د لابراتوار له لورې وړاندې شوي.

د دې مرکز موخه دا ده چې په ټیټ او منځني عاید لرونکو هیوادونو کې د چین د پور ورکولو او بخشش ورکولو په غیر شفافو فعالیتونو رڼا واچوي. موندنې ښیي چې په ۲۰۱۳ کال کې د یو کمربند او یوې لارې د نوښت له پیل راهیسې، د نړیوالو پراختیایي پروژو په برخه کې خپل لګښتونه د پام وړ زیات کړي او تر ۲۰۱۷ کال پورې د متحده ایالاتو او نورو ځواکمنو هېوادونو څخه ۲-۱ یا تر دې زیات مخکې شوی دی.

لارښونې اطلاعات د هریو لینک په کلیک کولو سره یا په نقشه کې map پر هیوادونو باندې په کلیک کولو سره وارزوئ. د برخې او کال په بنسټ د پروژو د لیدلو لپاره د پاڼې پای ته ورشئ. هر کال چې غواړئ پرې کلیک وکړئ تر څو تاریخچې او ټولې پروژې وګورئ.

د نړیوالې ودې لپاره د چین لګښت

د سکتور په بنسټ د چین پرمختیایي لګښتونه

پروژې د لومړني تمرکز پر اساس درجه بندي شوي

*په ډیټابیس کې ټول ډالري ارقام د ۲۰۱۷ کال د تورم د نرخ په اساس تنظیم شوي، نو هغه پروژې باید د وخت په تیریدو سره پرتله شي. ډالري ارقام د میلیون سره نژدې حد باندې اختصار شوي

پروژې د لومړني تمرکز پر اساس درجه بندي شوي. د برخو درجه بندي د همکارۍ او اقتصادي پرمختیا د سازمان د سیستم پر اساس درجه بندي شوي